ഷിക്കാഗോ: അമേരിക്കയിലെ സീറോ-മലബാർ സഭയുടെ 25 വർഷത്തെ വളർച്ചയ്ക്ക് ദൈവത്തോട് നന്ദി പറയുന്നതിനൊപ്പം, അടുത്ത കാലഘട്ടത്തിലെ ശുശ്രൂഷാ ദൗത്യങ്ങൾക്ക് സഭ പുതുക്കിയ പ്രതിജ്ഞയെടുക്കണമെന്നും  ഷിക്കാഗോ സീറോ-മലബാർ രൂപതാധ്യക്ഷൻ ബിഷപ്പ് ജോയ് ആലപ്പാട്ട് ആഹ്വാനം ചെയ്തു. രൂപത  രജതജൂബിലി കൺവൻഷന്റെ സമാപന സമ്മേളനത്തിൽ ആമുഖ പ്രഭാഷണം നടത്തുകയായിരുന്നു അദ്ദേഹം.

2001-ൽ ഇന്ത്യയ്ക്ക് പുറത്തുള്ള ആദ്യ സീറോ-മലബാർ രൂപതയായി ഷിക്കാഗോ രൂപത സ്ഥാപിതമായപ്പോൾ ഏതാനും കുടുംബങ്ങളും മിഷനുകളുമായിരുന്നു ഉണ്ടായിരുന്നത്. ഇന്ന് അമേരിക്കയിലുടനീളം 54 ഇടവകകളും 33 മിഷനുകളും ഉൾപ്പെടുന്ന ശക്തമായ ശൃംഖലയായി അത് വളർന്നുവെന്നും, വിശ്വാസികളുടെ എണ്ണം 85,000-ത്തിലധികമായി ഉയർന്നിട്ടുണ്ടെന്നും ബിഷപ്പ് ചൂണ്ടിക്കാട്ടി.

രൂപതയ്ക്ക് സുതാര്യവും ഉത്തരവാദിത്തപരവുമായ ഭരണസംവിധാനവും വിവിധ കമ്മീഷനുകളും ശുശ്രൂഷാ വിഭാഗങ്ങളും ശക്തമായ ഭരണഘടനയും രൂപപ്പെടുത്താൻ കഴിഞ്ഞത് കഴിഞ്ഞ 25 വർഷത്തെ ഏറ്റവും വലിയ നേട്ടങ്ങളിലൊന്നാണെന്നും അദ്ദേഹം പറഞ്ഞു.

രൂപതയിലെ 25,000 സീറോ-മലബാർ കുടുംബങ്ങളിൽ 70 ശതമാനത്തിലേറെയും യുവകുടുംബങ്ങളാണെന്നത് സഭയുടെ ഭാവി ശുശ്രൂഷയുടെ പ്രധാന ശ്രദ്ധാകേന്ദ്രമാകണമെന്ന് അദ്ദേഹം  വ്യക്തമാക്കി. കുടുംബപ്രാർഥനയും വിശുദ്ധ ബൈബിൾ വായനയും ദിവ്യബലിയിലും ആരാധനയിലും കുമ്പസാരത്തിലും സജീവ പങ്കാളിത്തവും കൂടുതൽ ശക്തിപ്പെടുത്തണം.

പുതിയ ദമ്പതികൾക്കായി വിവാഹാനന്തര പരിശീലനവും കുടുംബസംഗമങ്ങളും ധ്യാനങ്ങളും വിശ്വാസപരിശീലന പരിപാടികളും വ്യാപിപ്പിക്കണമെന്നും, മാതാപിതാക്കൾ കുട്ടികളുടെ ആദ്യ വിശ്വാസാധ്യാപകരാണെന്ന ബോധ്യം ശക്തിപ്പെടുത്തണമെന്നും അദ്ദേഹം പറഞ്ഞു. കുടുംബങ്ങളിൽ പരസ്പര ബഹുമാനവും ഐക്യവും വളർത്തുന്നതിനൊപ്പം പ്രതിസന്ധി നേരിടുന്ന കുടുംബങ്ങൾക്ക് കൗൺസിലിംഗും ആത്മീയ പിന്തുണയും ഉറപ്പാക്കണം.

2001-ൽ ഏകദേശം 1,000 കുട്ടികളുണ്ടായിരുന്ന സൺഡേ സ്കൂൾ ഇന്ന് 10,600 വിദ്യാർഥികളിലേക്കും 2,500-ലധികം സന്നദ്ധ അധ്യാപകരിലേക്കും വളർന്നതായി ബിഷപ്പ് ചൂണ്ടിക്കാട്ടി. പ്രീ-കിൻഡർഗാർട്ടൻ മുതൽ പ്ലസ് ടു വരെയുള്ള സമഗ്രമായ മതബോധന പരിപാടികളും അമേരിക്കയ്ക്കായി പ്രത്യേകം തയ്യാറാക്കിയ സീറോ-മലബാർ കാറ്റക്കിസം പാഠപുസ്തകവും രൂപതയുടെ ശ്രദ്ധേയമായ നേട്ടങ്ങളാണെന്നും അദ്ദേഹം പറഞ്ഞു.

യുവജന ശുശ്രൂഷയ്ക്ക് എല്ലാ ഇടവകകളും ഏറ്റവും ഉയർന്ന പ്രാധാന്യം നൽകണം . യുവാക്കളെ സൺഡേ സ്കൂൾ അധ്യാപകരായും ഗായകസംഘാംഗങ്ങളായും അൾത്താര ശുശ്രൂഷകരായും ഇടവക കൗൺസിൽ അംഗങ്ങളായും വിവിധ നേതൃത്വ ചുമതലകളിലേക്കും കൂടുതൽ ഉൾപ്പെടുത്തേണ്ടതുണ്ട്

വൈദിക-സന്യാസ ദൈവവിളികൾ പ്രോത്സാഹിപ്പിക്കുന്നതും സഭയുടെ അടിയന്തര ദൗത്യമാണെന്ന് ബിഷപ്പ് പറഞ്ഞു. നിലവിൽ രൂപതയിൽ നിന്നുള്ള 10 വൈദികരും ഏഴ് സെമിനാരിക്കാരും ശുശ്രൂഷയിലോ പരിശീലനത്തിലോ ഉണ്ടെന്നും, ഭാവിയിൽ കൂടുതൽ ദൈവവിളികൾ ഉണ്ടാകാൻ കുടുംബങ്ങൾ ആത്മീയ അന്തരീക്ഷം സൃഷ്ടിക്കണമെന്നും അദ്ദേഹം ആഹ്വാനം ചെയ്തു.

രണ്ടാം-മൂന്നാം തലമുറ വിശ്വാസികളെ സഭയോട് കൂടുതൽ അടുപ്പിക്കുന്നതിനായി, സാധ്യമായിടത്തെല്ലാം യുവജനങ്ങൾക്കായി ഇംഗ്ലീഷിൽ കുറഞ്ഞത് ഒരു ദിവ്യബലിയെങ്കിലും എല്ലാ ഇടവകകളിലും ക്രമീകരിക്കണമെന്നും, അതേസമയം സീറോ-മലബാർ ആരാധനാപാരമ്പര്യം സംരക്ഷിക്കണമെന്നും അദ്ദേഹം നിർദേശിച്ചു.

ഓരോ ഇടവകയും സ്വന്തം പ്രവർത്തനങ്ങളിൽ മാത്രം ഒതുങ്ങാതെ പുതിയ മിഷനുകൾക്ക് സാമ്പത്തികമായും ആത്മീയമായും പിന്തുണ നൽകണമെന്നും, കൺവൻഷനിൽ ആരംഭിച്ച 'ജീവജ്യോതി' മിഷനറി പ്രസ്ഥാനത്തിന് എല്ലാവരും പിന്തുണ നൽകണമെന്നും ബിഷപ്പ് അഭ്യർഥിച്ചു.

ഭാവി പദ്ധതികൾ വിശദീകരിച്ച ബിഷപ്പ്, രൂപതയുടെ വിവിധ ശുശ്രൂഷകളെ ഏകോപിപ്പിക്കുന്ന പാസ്റ്ററൽ സെന്റർ സ്ഥാപിക്കുക, വൈദിക പരിശീലനത്തിനായി സെമിനാരി ആരംഭിക്കുക, വൈദികർക്കായി കൂടുതൽ ക്ഷേമപദ്ധതികൾ നടപ്പാക്കുക, ഇടവകകളോട് ചേർന്ന് വിരമിച്ച വൈദികർക്കും മുതിർന്നവർക്കുമായി റിട്ടയർമെന്റ് ഹോമുകൾ സ്ഥാപിക്കുക തുടങ്ങിയ പദ്ധതികളും പ്രഖ്യാപിച്ചു.

"യുവജനങ്ങളും യുവകുടുംബങ്ങളുമാണ് നമ്മുടെ ഏറ്റവും വലിയ പ്രതീക്ഷ. രണ്ടാം, മൂന്നാം തലമുറയെ വിശ്വാസത്തിൽ ഉറപ്പിക്കുകയും സീറോ-മലബാർ പാരമ്പര്യം ഇംഗ്ലീഷിലൂടെയും മലയാളത്തിലൂടെയും കൈമാറുകയും ചെയ്യേണ്ടത് അടുത്ത 25 വർഷത്തെ പ്രധാന ദൗത്യമാണ്. എല്ലാ കുടുംബങ്ങളും വിശ്വാസവും കൂട്ടായ്മയും മിഷൻ ബോധവും അനുഭവിക്കുന്ന സജീവ ഇടവക സമൂഹങ്ങൾ കെട്ടിപ്പടുക്കണം," എന്ന് ആഹ്വാനം ചെയ്തുകൊണ്ടാണ് ബിഷപ്പ് ജോയ് ആലപ്പാട്ട് തന്റെ സമാപന സന്ദേശം അവസാനിപ്പിച്ചത്.

നേരത്തെ സീറോ മള്ബറി കത്തോലിക്കാ കോൺഗ്രസ് സമ്മേളനത്തിൽ അദ്ദേഹാം കേരളത്തിലെ സഭയും അമേരിക്കയിലെ സഭയും തമ്മിലുള്ള വ്യത്യാസവും ചൂണ്ടിക്കാട്ടി. കേരളത്തിൽ വൈദികരെ കേന്ദ്രീകരിച്ചു സഭ മുന്നോട്ടു പോകുമ്പോൾ ഇവിടെ അത് അത്മായരെ കേന്ദ്രീകരിച്ചാണ്. ഒരു മില്യൺ വരവുള്ള കത്തീഡ്രലിൽ രണ്ടു വൈദികർക്കും മറ്റൊരാൾക്കും മാത്രമാണ് ശമ്പളം. ബാക്കി എല്ലാവരും സന്നദ്ധ സേവനം നടത്തുന്നു. എന്നാൽ അമേരിക്കയിലെ ചെറിയ പള്ളിയിൽ പോലും 15 ശമ്പളക്കാരെങ്കിലും കാണും.

നമുക്ക് സ്വന്തമായി സ്‌കൂളോ ആശുപതിയോ ഇല്ല. അതൊരു കുറവായി തോന്നിയിട്ടില്ല. ഈ രാജ്യത്ത് എൽ സംവിധാനങ്ങളും ഉണ്ട്-അദ്ദേഹേം ചൂണ്ടിക്കാട്ടി.

see also

സിറോ മലബാർ ജൂബിലി കൺവൻഷൻ ആത്മീയ സംഗമമായി; ആത്മീയ ചൈതന്യവും യുവസംരംഭകത്വവും ഒത്തുചേർന്ന മൂന്നാം ദിനം  

രജതജൂബിലി സമ്മേളനത്തിൽ ഭാവി ദർശനം അവതരിപ്പിച്ച് ബിഷപ്പ് മാർ ജോയ് ആലപ്പാട്ട്  

നഴ്സ് സമരത്തിന് പിന്നിൽ ഗൂഢലക്ഷ്യമെന്ന് മാർ ആൻഡ്രൂസ് താഴത്ത്; ഈ വർഷാവസാനം താൻ റിട്ടയർ ചെയ്യും  

ചിക്കാഗോ സീറോ മലബാർ കൺവെൻഷൻ (രണ്ടാം ദിവസം): വിശ്വാസ റാലിയും ആത്മീയ സംഗമങ്ങളും; രൂപതയുടെ വളർച്ച ദൈവാനുഗ്രഹത്തിന്റെ സാക്ഷ്യമെന്ന് മേജർ ആർച്ചുബിഷപ്പ്  

കുടിയേറ്റക്കാരല്ല, നാം മിഷണറിമാരാണ്; തലമുറകളെ ചേർത്തുനിർത്തി സീറോ മലബാർ സഭ ഭാവിയിലേക്ക് മുന്നേറണമെന്ന് പാനൽ ചർച്ച  

സീറോ മലബാർ സഭ പുതിയ സുവിശേഷവത്കരണത്തിന് നേതൃത്വം നൽകണം: കൊളംബസ് ബിഷപ്പ് എർൾ ഫെർണാണ്ടസ്  

ജിബി പാറക്കൽ: ബിസിനസ് വിജയങ്ങളും നിശബ്ദമായ സേവന പ്രവർത്തനങ്ങളും  

സീനിയർ ലിവിങ് സ്ഥാപനം ട്രാവൻകൂർ ഫൗണ്ടേഷൻ പ്രതിനിധികൾ ഷിക്കാഗോ സീറോ മലബാർ കൺവൻഷനിൽ  

ഷിക്കാഗോയിൽ മാരിവില്ലിറങ്ങി; ഘോഷയാത്ര അപൂർവ മനോഹരമായി  

സീറോ മലബാര്‍ കണ്‍വന്‍ഷനില്‍ മാരിവില്ലിന്റെ സപ്തവര്‍ണങ്ങളും ഇതള്‍ വിരിഞ്ഞ ഘോഷയാത്ര (കൂടുതല്‍ ചിത്രങ്ങള്‍)  

ആത്‌മീയ പ്രഭ ചൊരിഞ്ഞ് സിറോ മലബാർ രൂപത രജത ജൂബിലി കൺവെൻഷൻ ആരംഭിച്ചു  

വിശ്വാസ ദീപ്തിയിൽ ചിക്കാഗോ; സീറോ മലബാർ രൂപതയുടെ രജതജൂബിലി കൺവെൻഷന് ഭക്തിനിർഭരമായ തുടക്കം  

ഇനിയും വിസ്മയങ്ങൾ ഉണ്ടാവും: ആർച്ച് ബിഷപ്പ് മാർ തോമസ് തറയില്‍  

സീറോ മലബാർ രൂപത സ്വന്തം കാലിൽ ഉറച്ചു നിൽക്കാൻ കരുത്ത് നേടി: ബിഷപ്പ് മാർ ജോയ് ആലപ്പാട്ട്  

കിഴക്കും പടിഞ്ഞാറും രണ്ടു ശ്വാസകോശം പോലെ: കർദിനാൾ മാർ ജോർജ് കൂവക്കാട്  

ജെറുസലേം വീണ്ടും: കാണികളെ വിസ്മയിപ്പിച്ച് സാംസ്കാരിക ദൃശ്യവിരുന്ന്  

എല്ലാം ഗുരുക്കന്മാരുടെ അനുഗ്രഹം: ജയറാം; ഇലഞ്ഞിത്തറ മേളം ഗംഭീരം   

സീറോ മലബാർ രൂപത രജത ജൂബിലി കൺവെൻഷൻ (കൂടുതല്‍ ചിത്രങ്ങൾ