ന്യൂയോർക്ക്: മുൻനിരയിലുള്ള മുഴുവൻ അംഗങ്ങളുടെയും പൂർണ്ണവും ഏകകണ്ഠവുമായ പിന്തുണയോടെ ഫൊക്കാന ജനറൽ ബോഡി യോഗം വിജയകരമായി ചേർന്നു. അധ്യക്ഷപ്രസംഗത്തിൽ സംഘടനയുടെ സൗഹാർദ്ദപരമായ സംസ്കാരത്തെയും ഐക്യത്തെയും ഉയർത്തിക്കാട്ടുന്ന നിർണായകമായ പുതിയ സന്ദേശമാണ് പ്രസിഡന്റ് ഡോ. സജിമോൻ ആന്റണി പങ്കുവെച്ചത്.

തിരഞ്ഞെടുപ്പ് ഫലം പ്രഖ്യാപിക്കുന്ന നിമിഷത്തോടെ എല്ലാ മത്സരങ്ങളും ഭിന്നതകളും അവസാനിക്കണമെന്ന് അദ്ദേഹം ഓർമ്മിപ്പിച്ചു. "തിരഞ്ഞെടുപ്പ് ഫലം വന്നുകഴിഞ്ഞാൽ പിന്നെ വിജയിയോ പരാജിതനോ ഇല്ല. അവശേഷിക്കുന്നത് നമ്മളൊക്കെയും ഒന്നിച്ചുചേർന്നുള്ള ഫൊക്കാന മാത്രമാണ്. ഈ മികച്ച സാംസ്കാരിക പാരമ്പര്യമാണ് നിലവിലുള്ള ഭരണസമിതി അടുത്ത നേതൃത്വത്തിന് കൈമാറാൻ ആഗ്രഹിക്കുന്നത്," അദ്ദേഹം കൂട്ടിച്ചേർത്തു.

ഭിന്നതകൾ മറന്ന് ഒന്നിച്ചുനിൽക്കുന്നതും പരസ്പര സഹകരണത്തോടെ മുന്നേറുന്നതുമാണ് ഫൊക്കാനയുടെ ഏറ്റവും വലിയ ശക്തിയെന്ന് ചൂണ്ടിക്കാട്ടിയ അദ്ദേഹം, പുതിയ ഭരണസമിതിക്കും ഇതേ ഐക്യവും പിന്തുണയും നൽകണമെന്ന് അഭ്യർഥിച്ചു. സദസ്സ് നിറഞ്ഞ കൈയടികളോടെയാണ് പ്രസിഡന്റിന്റെ വാക്കുകളെ വരവേറ്റത്.

ലോകത്തിലെ ഏറ്റവും വലുതും അതിപുരാതനവുമായ മലയാളി പ്രവാസി സംഘടനയെന്ന നിലയിൽ ഫൊക്കാനയുടെ പ്രാധാന്യവും പ്രൗഢിയും ഇരട്ടിപ്പിക്കാൻ കഴിഞ്ഞ രണ്ട് വർഷത്തെ ഭരണസമിതിക്ക് സാധിച്ചതായി യോഗത്തിൽ വിലയിരുത്തപ്പെട്ടു.

യോഗത്തിന്റെ സമാപനത്തിൽ ജനറൽ സെക്രട്ടറി ശ്രീകുമാർ ഉണ്ണിത്താൻ എല്ലാവർക്കും നന്ദി രേഖപ്പെടുത്തി. കഴിഞ്ഞ രണ്ടുവർഷക്കാലം സംഘടനയെ പുതിയ ഉയരങ്ങളിലേക്ക് നയിക്കാൻ കഴിഞ്ഞത് അംഗങ്ങൾ നൽകിയ അളവറ്റ സ്നേഹവും പിന്തുണയും സഹകരണവും കൊണ്ടാണെന്ന് അദ്ദേഹം പറഞ്ഞു. സംഘടനയുടെ ഉന്നമനം മാത്രം ലക്ഷ്യമിട്ടാണ് ഭരണസമിതി ഓരോ തീരുമാനവും കൈക്കൊണ്ടതെന്നും, അതിന്റെ ഫലമായാണ് ഫൊക്കാന ചരിത്രത്തിലെ ഏറ്റവും മികച്ച വളർച്ച കൈവരിച്ചതെന്നും അദ്ദേഹം കൂട്ടിച്ചേർത്തു.

പ്രവർത്തനങ്ങൾക്കിടയിൽ മനുഷ്യസഹജമായ വീഴ്ചകൾ വന്നിട്ടുണ്ടെങ്കിൽ അംഗങ്ങൾ സദയം ക്ഷമിക്കണമെന്ന് അഭ്യർഥിച്ച ശ്രീകുമാർ ഉണ്ണിത്താൻ, സംഘടനയെ പുതിയ തലത്തിലേക്ക് ഉയർത്തുന്നതിൽ പ്രസിഡന്റ് സജിമോൻ ആന്റണിയുടെ നേതൃപാടവം നിർണായകമായിരുന്നുവെന്ന് പ്രത്യേകം എടുത്തുപറഞ്ഞു. ഫൊക്കാനയ്ക്ക് അദ്ദേഹത്തെപ്പോലൊരു പ്രസിഡന്റിനെ ലഭിച്ചത് സംഘടനയുടെ വലിയ ഭാഗ്യമാണെന്നും അദ്ദേഹം അഭിപ്രായപ്പെട്ടു.

ഫൊക്കാന: ഫിലിപ്പോസ് ഫിലിപ്പിനും പാനലിനും തകർപ്പൻ വിജയം  

'മത്സരം കഴിഞ്ഞാൽ എല്ലാവരും ഫൊക്കാനയുടെ അംഗങ്ങൾ': ജനറൽ ബോഡി യോഗത്തിൽ സജിമോൻ ആന്റണിയും ശ്രീകുമാർ ഉണ്ണിത്താനും  

മാതൃനാടിന്റെ വികസനത്തിന് പ്രവാസികൾ ഊർജ്ജം പകരണം: ഫൊക്കാന കൺവൻഷനിൽ ആവേശമായി ചീഫ് വിപ്പിന്റെ വാക്കുകൾ  

ഫൊക്കാന കണ്‍വന്‍ഷനെ ഇളക്കിമറിച്ച് ഘോഷയാത്ര (ചിത്രങ്ങള്‍)  
അശ്രാന്ത പരിശ്രമങ്ങളുടെ സാഫല്യമെന്ന് കൽഹാരി കൺവൻഷനെ വിശേഷിപ്പിച്ച് ആൽബർട്ട് ആന്റണി   

പ്രവാസി സാംസ്കാരിക പൈതൃകത്തിന്റെ അമരക്കാർക്ക് പ്രണാമം: അനുസ്മരണ സമ്മേളനവുമായി ഫൊക്കാന  

സ്നേഹത്തിന്റെയും ആത്മീയതയുടെയും മംഗളാരംഭം: കൽഹാരി സമ്മേളനത്തെ ആശീർവദിച്ച് ബിഷപ്പ് ജോയ് ആലപ്പാട്ട്  

കൽഹാരിയിൽ പെയ്തിറങ്ങിയ സേവനത്തിന്റെ അമൃതവർഷം: പുതിയ ഉയരങ്ങളിലേക്ക് ഫൊക്കാന  

പെൻസിൽവാനിയയുടെ മണ്ണിൽ പ്രവാസി പെരുമയുടെ സുവർണ്ണ വസന്തം: ഫൊക്കാന കൽഹാരി കൺവെൻഷൻ ചരിത്ര താളുകളിലേക്ക്!