അമേരിക്കയിൽ ജനിച്ചുവെങ്കിലും രാജ്യ  അതിർത്തികൾ കടന്നുള്ള  സഭാംഗമായാണ് പുതിയ മാർപാപ്പ ലിയോ പതിനാലാമനെ പൊതുവെ കരുതുന്നത്.

രണ്ട് പതിറ്റാണ്ടോളം പെറുവിൽ സേവനമനുഷ്ഠിച്ച റോബർട്ട് ഫ്രാൻസിസ് പ്രെവോസ്റ്റ് അവിടെ  വൈദികനും ബിഷപ്പും പൗരനുമായി.  തുടർന്ന് തന്റെ സന്യാസ സഭയായ അഗസ്റ്റിനിയൻസിന്റെ നായകനായി.    പോപ്പ് ഫ്രാൻസിസിന്റെ മരണം വരെ,   ഏറ്റവും സ്വാധീനമുള്ള വത്തിക്കാൻ പദവികളിൽ ഒന്നായ ബിഷപ്പുമാരെ തിരഞ്ഞെടുക്കുന്ന ഡികാസ്റ്ററി തലവനായിരുന്നു.

സെന്റ് അഗസ്റ്റിൻ ക്രമത്തിലെ അംഗമായ അദ്ദേഹം, ദരിദ്രരോടും കുടിയേറ്റക്കാരോടും ഉള്ള പ്രതിബദ്ധതയിലും അവർ എവിടെയോ അവിടെ ചെന്ന് അവരെ  കാണുന്നതിലും   ഫ്രാൻസിസിന്റെ നിലപാടിനോട്   താല്പര്യത്തെ കാട്ടുന്നു. കഴിഞ്ഞ വർഷം വത്തിക്കാന്റെ ഔദ്യോഗിക വാർത്താ വെബ്‌സൈറ്റിനോട് അദ്ദേഹം പറഞ്ഞു, "ബിഷപ്പ് തന്റെ രാജ്യത്തിൽ ഇരിക്കുന്ന ഒരു ചെറിയ രാജകുമാരനായിരിക്കരുത്."

അദ്ദേഹം തന്റെ ജീവിതത്തിന്റെ ഭൂരിഭാഗവും അമേരിക്കയ്ക്ക് പുറത്താണ് ചെലവഴിച്ചത്. 1982-ൽ 27-ാം വയസ്സിൽ  അദ്ദേഹം റോമിലെ സെന്റ് തോമസ് അക്വിനാസ്  പൊന്തിഫിക്കൽ സർവകലാശാലയിൽ നിന്ന് കാനോൻ നിയമത്തിൽ ഡോക്ടറേറ്റ് നേടി. പെറുവിൽ, അദ്ദേഹം ഒരു മിഷനറി, ഇടവക വികാരി, അധ്യാപകൻ, ബിഷപ്പ് എന്നീ നിലകളിൽ പ്രവർത്തിച്ചു.

അഗസ്തീനിയൻ സന്യാസ സഭാ നേതാവെന്ന നിലയിൽ, അദ്ദേഹം ലോകമെമ്പാടുമുള്ള ആശ്രമങ്ങൾ സന്ദർശിച്ചു.  സ്പാനിഷും ഇറ്റാലിയനും സംസാരിക്കുന്നു.

ഇറ്റാലിയൻ ഭാഷയിൽ ആർപ്പുവിളിക്കുന്ന ജനക്കൂട്ടത്തെ അഭിസംബോധന ചെയ്തുകൊണ്ട് പുതിയ മാർപ്പാപ്പ പറഞ്ഞു: "നിങ്ങൾക്കെല്ലാവർക്കും സമാധാനം ഉണ്ടാകട്ടെ."

'പ്രിയ സഹോദരീ സഹോദരന്മാരേ, ഉയിർത്തെഴുന്നേറ്റ ക്രിസ്തുവിന്റെ ആദ്യ ആശംസയാണിത്. നിങ്ങൾ എവിടെയായിരുന്നാലും നിങ്ങളുടെ കുടുംബങ്ങളിലേക്ക്, നിങ്ങൾക്കെല്ലാവർക്കും സമാധാനത്തിന്റെ ആശംസകൾ നേരാൻ ഞാൻ ആഗ്രഹിക്കുന്നു. നിങ്ങൾക്ക് സമാധാനം ഉണ്ടാകട്ടെ,' അദ്ദേഹം പറഞ്ഞു, 
പുതിയ മാർപാപ്പയെ  പ്രസിഡന്റ് ട്രംപ്   അഭിനന്ദിച്ചു. 'പോപ്പ് ആയി  നാമകരണം ചെയ്യപ്പെട്ട കർദ്ദിനാൾ റോബർട്ട് ഫ്രാൻസിസ് പ്രെവോസ്റ്റിന് അഭിനന്ദനങ്ങൾ. അമേരിക്കയിലെ ആദ്യത്തെ പോപ്പാണ് അദ്ദേഹം എന്ന് തിരിച്ചറിയുന്നത് ഒരു ബഹുമതിയാണ്. എന്തൊരു ആവേശം, നമ്മുടെ രാജ്യത്തിന് എത്ര വലിയ ബഹുമതി. ലിയോ പതിനാലാമൻ പോപ്പിനെ കാണാൻ ഞാൻ ആകാംക്ഷയോടെ കാത്തിരിക്കുന്നു. അത് വളരെ അർത്ഥവത്തായ ഒരു നിമിഷമായിരിക്കും!'

മാർപാപ്പയാവാൻ സാധ്യതയുണ്ടെന്നു കർദിനാൾ പ്രെവോസ്റ്റ് സഹോദരനോടു മുൻകൂട്ടി സൂചിപ്പിച്ചു (പിപിഎം) 

വിവാദ വിഷയങ്ങളിൽ മൗനം അവലംബിക്കില്ലെന്നു തെളിയിച്ച മാർപാപ്പ (പിപിഎം)  

പുതിയ മാർപാപ്പയുടെ പേരിന് പിന്നിലെ രഹസ്യം. 

ട്രംപിന്റെ നിലപാടുകളിൽ വിയോജിപ്പുള്ള പുതിയ മാർപാപ്പ  

പോപ്പ് ലിയോ-14: രാജകുമാരനല്ല, സാധാരണക്കാരുടെ ഇടയൻ 

അമേരിക്കയിൽനിന്ന് മാർപാപ്പ: ലിയോ പതിനാലാമൻ (റോബർട്ട് ഫ്രാൻസിസ് പ്രെവോസ്റ്റ്)  BIO

വിവ ഇൽ പാപ്പാ: പുതിയ പാപ്പക്ക് സ്വാഗതം