കൊച്ചി: സംസ്ഥാന ജിഎസ്ടി ജോയിന്റ് കമ്മീഷണർ പ്രജനി രാജന്റെ കൊച്ചിയിലെ വീടുകളിലും ഓഫീസിലും വിജിലൻസ് ആൻഡ് ആന്റി കറപ്ഷൻ ബ്യൂറോയുടെ റെയ്ഡ്. നീണ്ട പരിശോധനയിൽ കണക്കിൽപ്പെടാത്ത 14.10 ലക്ഷം രൂപയും 788 യുഎസ് ഡോളറും പിടിച്ചെടുത്തു.

2014-നും 2024-നും ഇടയിലുള്ള പത്ത് വർഷ കാലയളവിൽ പ്രജനി രാജൻ ഏകദേശം 2.89 കോടി രൂപയുടെ അനധികൃത സ്വത്ത് സമ്പാദിച്ചെന്ന പ്രാഥമിക അന്വേഷണ റിപ്പോർട്ടിന്റെ അടിസ്ഥാനത്തിലാണ് വിജിലൻസ് സംഘം പരിശോധന നടത്തിയത്. അന്വേഷണം പുരോഗമിക്കുന്നതിനിടയിൽ, റെയ്ഡിൽ പിടിച്ചെടുത്ത പണവും അനുബന്ധ രേഖകളും മൂവാറ്റുപുഴ വിജിലൻസ് കോടതിയിൽ ഹാജരാക്കും.