കാഠ്മണ്ഡു; നേപ്പാളിലുണ്ടായ മിന്നല്‍ പ്രളയം ഒരു മാസം പിന്നിടുമ്പോള്‍ മരണം 1,453 ആയി. ദുരന്തത്തില്‍ 5,285 പേരെ ഇതുവരെ കണ്ടെത്താനായിട്ടില്ലെന്ന് നാഷണല്‍ ഡിസാസ്റ്റര്‍ റിസ്‌ക് റിഡക്ഷന്‍ ആന്‍ഡ് മാനേജ്‌മെന്റ് അതോറിറ്റി അറിയിച്ചു. 

ഓഗസ്റ്റ് 26നാണ് നേപ്പാള്‍-ടിബറ്റ് അതിര്‍ത്തിക്ക് സമീപത്തുണ്ടായ മിന്നല്‍ പ്രളയത്തെത്തുടര്‍ന്ന് വടക്കന്‍, മധ്യ നേപ്പാളിലെ ഗ്രാമങ്ങളും നഗരങ്ങളും മുങ്ങിയത്. ദുരന്തത്തല്‍ ഇതുവരെ 13,795 പേരെ രക്ഷപ്പെടുത്തിയിട്ടുണ്ട്. ഇതില്‍ 1,113 പേര്‍ നുവാകോട്ട്, റസുവ, ധാംഡിങ് ജില്ലകളിലെ 21 ദുരിതാശ്വാസ ക്യാമ്പുകളിലാണ് കഴിയുന്നത്.