പാകിസ്ഥാനിൽ നിന്ന് സ്വാതന്ത്ര്യം നേടിയെന്ന അവകാശവാദത്തിന് പിന്നാലെ ഓഗസ്റ്റ് 11 സ്വാതന്ത്ര്യദിനമായി പ്രഖ്യാപിച്ച് ബലൂചിസ്ഥാൻ. ലോകമെമ്പാടുമുള്ള ബലൂച് ജനങ്ങളോട് ഈ ദിവസം ആഘോഷിക്കാനും 'റിപ്പബ്ലിക് ഓഫ് ബലൂചിസ്ഥാൻ'എന്ന സംഘടന ആഹ്വാനം ചെയ്തു.
ബലൂചിസ്ഥാൻ സ്വതന്ത്രവും പരമാധികാരമുള്ളതുമായ രാജ്യമാണെന്ന് അന്താരാഷ്ട്ര സമൂഹം അംഗീകരിക്കണമെന്നും സംഘടന പുറത്തിറക്കിയ പ്രസ്താവനയിൽ വ്യക്തമാക്കി.

ഓ​ഗസ്റ്റ് 11 ബലൂച് ജനത ദേശീയ ഐക്യത്തോടെ ആചരിക്കണമെന്നും വീടുകൾ, വ്യാപാര സ്ഥാപനങ്ങൾ, വിദ്യാഭ്യാസ സ്ഥാപനങ്ങൾ, പൊതുസ്ഥലങ്ങൾ എന്നിവിടങ്ങളിൽ സ്വതന്ത്ര ബലൂചിസ്ഥാന്റെ ദേശീയ പതാക ഉയർത്തണമെന്നും ബലൂച് വിമോചന നേതാവ് മിർ യാർ ബലൂച് ആഹ്വാനം ചെയ്തു. ചരിത്രപരമായ ഈ ദിവസത്തിന്റെ പ്രാധാന്യം വരും തലമുറകളിലേക്ക് കൈമാറുക എന്നതാണ് ആഘോഷത്തിന്റെ ലക്ഷ്യമെന്നും അദ്ദേഹം കൂട്ടിച്ചേർത്തു.