ലോസ് ഏഞ്ജലസ് സിറ്റി മേയർ മത്സരത്തിൽ ഡെമോക്രാറ്റ് നിത്യ രാമനെ സിറ്റി കൺട്രോളർ കെന്നെത് മെജിയ എൻഡോഴ്സ് ചെയ്തു. സുതാര്യതയും സാമ്പത്തിക ഉത്തരവാദിത്തവുമുള്ള സ്വതന്ത്രയായ നേതാവാണ് രാമനെന്നു മെജിയ പറഞ്ഞു.

2023ൽ സിറ്റി പോലീസ് വകുപ്പ് ഉണ്ടാക്കിയ $1 ബില്യൺ ലേബർ കോൺട്രാക്റ്റ് നഗരത്തെ പാപ്പരാക്കുമെന്നു താൻ പറഞ്ഞത് ഇപ്പോൾ സംഭവിച്ചെന്നു മെജിയ ചൂണ്ടിക്കാട്ടി. അന്ന് ആ കോൺട്രാക്ടിനെ എതിർത്തയാളാണ് രാമൻ.

പൊതു പണം ചെലവഴിക്കുന്നതിൽ കൂടുതൽ നിയന്ത്രണം വേണമെന്ന രാമന്റെ നിലപാടിനെ പിന്തുണയ്ക്കുന്നുവെന്നു മെജിയ പറഞ്ഞു.

രാമൻ പി എ സി സംഭാവനകൾ വാങ്ങാറില്ല എന്നദ്ദേഹം ചൂണ്ടിക്കാട്ടി. നിക്ഷിപ്‌ത താത്പര്യക്കാരെ അകറ്റി നിർത്താൻ അവർക്കു കഴിയും. 2020ൽ സിറ്റി കൗൺസിൽ അംഗത്തെ തോൽപിക്കാൻ രാമനു കഴിഞ്ഞത് ജനങ്ങൾ അവരുടെ വ്യത്യസ്ത സമീപനം അംഗീകരിച്ചതിന്റെ തെളിവാണ്.

മേയർ കാരൻ ബാസിനെതിരെ നവംബർ 3 തിരഞ്ഞെടുപ്പിൽ മത്സരിക്കുന്ന രാമൻ കടുത്ത മത്സരമാണ് നേരിടുന്നത്.

Los Angeles City Controller endorses Nithya Raman