കോഴിക്കോട്: പ്രതിയെ പിടികൂടാനെത്തിയ പോലീസിന് നേരെ ആക്രമണം. കോഴിക്കോട് മാവൂരിലാണ് സംഭവം. പാലക്കാട് നിന്നും പ്രതിയെ പിടിക്കാന്‍ എത്തിയ പൊലീസിന് നേരെയാണ് ആക്രമണം ഉണ്ടായത്.

പോലീസുകാര്‍ക്ക് നേരെ പ്രതികള്‍ തോക്ക് ചൂണ്ടുകയും പന്നിപ്പടക്കം എറിയുകയുമായിരുന്നു. പ്രവാസി വ്യവസായി മുഹമ്മദാലിയെ തട്ടിക്കൊണ്ടുപോയ കേസിലെ പ്രതികളായ ആട് ഷെമീറും സംഘവുമാണ് പോലീസിനെ ആക്രമിച്ചത്. പ്രതികളെ പൊലീസ് സാഹസികമായി കീഴടക്കി.

രണ്ട് പൊലീസുകാര്‍ക്ക് നേരെയാണ് ആക്രമണമുണ്ടായത്. നാല് പ്രതികളാണ് മാവൂരില്‍ ഒളിവില്‍ താമസിച്ചിരുന്നത്.