ഇറാന്റെ പ്രതിനിധി സംഘം ദോഹയിൽ എത്തിയിട്ടുണ്ടെന്നു ഖത്തർ ചൊവാഴ്ച്ച സ്ഥിരീകരിച്ചു. പ്രസിഡന്റ് ട്രംപിന്റെ ദൂതന്മാരും എത്തിയിട്ടുണ്ട്. എന്നാൽ യുഎസ്-ഇറാൻ ചർച്ചകൾ തീരുമാനിച്ചിട്ടില്ലെന്നു വിദേശകാര്യ വകുപ്പ് വക്താവ് മാജിദ് അൽ അൻസാരി അറിയിച്ചു.

അടുത്ത ഏതാനും ദിവസങ്ങളിൽ ട്രംപിന്റെ ദൂതന്മാരായ സ്റ്റീവ് വിറ്റ്കോഫിനെയോ ഹാരദ് കുഷ്ണറെയോ കാണാൻ പരിപാടിയില്ലെന്നു ഇറാൻ വക്താവ് ഇസ്മയിൽ ബാഗായ് പറഞ്ഞു.

ഹോർമുസിലെ തർക്കങ്ങൾ തീർക്കാൻ യുഎസ്-ഇറാൻ ചർച്ച ചൊവാഴ്ച്ച ദോഹയിൽ നടക്കുമെന്ന് ഇരു രാജ്യങ്ങളും അറിയിച്ചിരുന്നു. ഇറാൻ ഒരു ചർച്ചയ്ക്കു അഭ്യർഥിച്ചെന്നു ട്രംപും പറഞ്ഞിരുന്നു.

ഇറാൻ സംഘം എത്തിയത് ഖത്തറിൽ മരവിപ്പിച്ചു വച്ചിട്ടുളള $6 ബില്യൺ വിട്ടുകിട്ടുന്നതിനെ കുറിച്ച് ചർച്ച ചെയ്യാനാണെന്നു ഖത്തർ സ്ഥിരീകരിച്ചു. ഈ പണം കൈമാറിയിട്ടില്ല.

US, Iran teams in Doha, no talks set