ന്യു യോർക്ക്: ഇന്ത്യാക്കാരനായ മേയർ മാംദാനിയുടെ ഗ്രാഫ് ഉയർന്നുവെങ്കിലും പൊതുവിൽ ഇന്ത്യൻ സ്ഥാനാര്ഥികളെല്ലാം ഈ ന്യു യോർക്ക് പ്രൈമറിയിൽ നിരാശാജനകമായ പ്രകടനമാണ് കാഴ്ച വച്ച്ത. ക്വീൻസിലെ 380മാത്ത് ഡിസ്ട്രിക്ടിൽ നിലവിലുള്ള അസംബ്ലി വുമൺ ജെന്നിഫർ രാജ്‌കുമാർ പരാജയപ്പെട്ടത് വലിയ നഷ്ടവുമായി.

അത്സമയം, ഡച്ചസ് കൗണ്ടി ലെജിസ്ളേറ്റർ  ലിസ കൗൾ,   ന്യൂയോർക്ക് സ്റ്റേറ്റ് സെനറ്റ് ഡിസ്ട്രിക്റ്റ് 39 ലെ ഡെമോക്രാറ്റിക് പ്രൈമറിയിൽ വിജയിച്ചു. 94 ശതമാനം വോട്ടുകളും എണ്ണിക്കഴിഞ്ഞപ്പോൾ, കൗളിന് 62.1 ശതമാനം വോട്ടുകൾ ലഭിച്ചു.  ആകെ 8,178 വോട്ടുകൾ. ഇവാൻ മെനിസ്റ്റിന് 30.4 ശതമാനവും ഗേ ലീക്ക് 7.4 ശതമാനവും ലഭിച്ചു.  

നവംബർ 3 ലെ പൊതുതെരഞ്ഞെടുപ്പിൽ കൗൾ റിപ്പബ്ലിക്കൻ സ്ഥാനാർത്ഥി റോബർട്ട് റോളിസണെ നേരിടും.

പ്രൈമറി എതിരാളികളില്ലാതെ മറ്റ് രണ്ട് ഇന്ത്യൻ അമേരിക്കൻ സ്ഥാനാർത്ഥികൾ വിജയിച്ചിട്ടുണ്ട്.

ന്യൂയോർക്ക് സ്റ്റേറ്റ് സെനറ്റ് ഡിസ്ട്രിക്റ്റ് 2 ൽ ഇമിഗ്രേഷൻ അഭിഭാഷകനായ ഹർജോത് സിംഗ് ഡെമോക്രാറ്റിക് നോമിനിയാകും.  നവംബറിൽ റിപ്പബ്ലിക്കൻ സ്ഥാനാർത്ഥി മാരിയോ മാറ്റേരയെ നേരിടും.

റിപ്പബ്ലിക്കൻ അസംബ്ലി അംഗം അനിൽ ബീഫാൻ ജൂനിയറും എതിരില്ലാതെ വിജയിച്ചു.  അസംബ്ലി ഡിസ്ട്രിക്റ്റ് 105 ൽ ഡെമോക്രാറ്റിക് എതിരാളി ബ്രൂക്ലിൻ തലാറിക്കോയെ നേരിടും.

സ്റ്റേറ്റ് കംട്രോളർ ഇലക്ഷനിൽ തോമസ് പി. ഡിനാപോളി വിജയിച്ചു. 574,459 വോട്ട്. 65.6 %  
ഡ്രൂ വാർഷോ 175,791 വോട്ട്. 20.1 %
ഇന്ത്യാക്കാരനായ രാജ് ഗോയൽ മൂന്നാം സ്ഥാനത്തായി. 121,051 വോട്ട്. 13.8 %  

ഏഴാമത്  കോൺഗ്രഷണൽ ഡിസ്ട്രിക്റ്റിൽ,  വിചൽ കുമാർ,  ഡെമോക്രാറ്റിക് പ്രൈമറിയിൽ 2 ശതമാനത്തിൽ താഴെ വോട്ടുകൾ നേടി നാലാം സ്ഥാനത്തെത്തി. ക്യൂൻസ് അസംബ്ലി അംഗവും ഡമോക്രാറ്റിക് സോഷ്യലിസ്റ് അനുകൂലിയുമായ  ക്ലെയർ വാൽഡെസ്   58   വോട്ടുകൾ നേടി വിജയിച്ചു. ബ്രൂക്ലിൻ ബറോ പ്രസിഡന്റ് അന്റോണിയോ റെയ്‌നോസോ ഏകദേശം 33   വോട്ടുകൾ നേടി രണ്ടാം സ്ഥാനത്തെത്തി.  കോൺഗ്രസ് അംഗം നിഡിയ വെലാസ്‌ക്വസ്   വിരമിക്കുന്ന സീറ്റാണിത്.