കൊച്ചി: കോതമംഗലം പിണ്ടിമന പഞ്ചായത്തില്‍ തമ്പടിച്ച കാട്ടാനയെ മയക്കുവെടി വയ്ക്കാന്‍ അനുമതി. മയക്കുവെടി വയ്ക്കുന്നതിനായി വനംവകുപ്പ് മന്ത്രി ഷിബു ബേബി ജോണ്‍ ഡിഎഫ്ഒക്ക് അനുമതി നല്‍കി.

ഒരു മാസക്കാലമായി പിണ്ടിമന പഞ്ചായത്തിലെ ജനങ്ങളില്‍ ഭീതി സൃഷ്ടിച്ച് തമ്പടിച്ച കാട്ടാന ഇപ്പോള്‍ വൈറ്റിലപ്പാറ ഭാഗത്ത് 14-ാം വര്‍ഡിലാണ് നിലയുറപ്പിച്ചിട്ടുള്ളത്.

നേരത്തെ കാട്ടാനയെ ഉള്‍വനത്തിലേക്ക് തുരത്താന്‍ എറണാകുളം ജില്ലാ കളക്ടര്‍ നിര്‍ദേശിച്ചിട്ടും നടപടി ഉണ്ടായിരുന്നില്ല. ജനവാസ മേഖലയില്‍ എത്തിയ കാട്ടാന കൃഷയിടങ്ങളില്‍ നാശം വരുത്തുകയും വൈദ്യുതി കണക്ഷന്‍ കേബിളുകള്‍ പൊട്ടിച്ചു കളയുകയും ചെയ്തിരുന്നു.