ന്യൂയോര്‍ക്: ഫിഫ ലോകകപ്പ് ആരംഭിച്ച് മണിക്കൂറുകള്‍കു ശേഷം  ഉറുഗ്വേ ടീമിന് യു.എസിലേക്ക് യാത്രാ അനുമതി നിഷേധിച്ചു. സൗദി അറേബ്യക്കെതിരെയുള്ള ആദ്യ മത്സരത്തിനായി മയാമിയിലേക്ക് തിരിക്കേണ്ട ടീം നിലവില്‍ മെക്‌സിക്കോയില്‍ കുടുങ്ങിക്കിടക്കുകയാണ്.

സാങ്കേതികവും ഭരണപരവുമായ  ചില പ്രശ്‌നങ്ങള്‍ കാരണം ടീം സഞ്ചരിക്കേണ്ടിയിരുന്ന വിമാനത്തിന് യു.എസ് അധികൃതര്‍ അനുമതി നിഷേധിക്കുകയായിരുന്നു. മെക്‌സിക്കോയിലെ കാന്‍കൂണിലുള്ള പരിശീലന ക്യാമ്പിലാണ് നിലവില്‍ കളിക്കാര്‍ ഉള്ളത്.

ഫിഫയുടെ ഇടപെടല്‍: പ്രതിസന്ധി പരിഹരിക്കാന്‍ ഫിഫ അടിയന്തിരമായി മറ്റൊരു വിമാനം കണ്ടെത്താനുള്ള ശ്രമത്തിലാണ്.

പ്രതിസന്ധികള്‍: മത്സരം തുടങ്ങാന്‍ ഏതാനും മണിക്കൂറുകള്‍ മാത്രം ബാക്കിനില്‍ക്കെ ഈ സംഭവം ടീമിന്റെ ഒരുക്കങ്ങളെ ബാധിച്ചിട്ടുണ്ട്. മത്സരത്തിന് മുന്നോടിയായുള്ള വാര്‍ത്താസമ്മേളനം റദ്ദാക്കേണ്ടി വന്നേക്കാം. ഇത് ഉറുഗ്വേ ഫുട്‌ബോള്‍ ഫെഡറേഷന് സാമ്പത്തിക പിഴ ലഭിക്കാനും കാരണമായേക്കും.

2026 ലോകകപ്പിന്റെ സംഘാടനത്തെച്ചൊല്ലി നേരത്തെ തന്നെയുള്ള വിവാദങ്ങള്‍ക്ക് ആക്കം കൂട്ടുന്നതാണ് പുതിയ സംഭവവികാസങ്ങള്‍.