ഇസ്രയേലും ഇറാനും ആക്രമണങ്ങൾ നിർത്തണമെന്നു യുഎസ് പ്രസിഡന്റ് ഡോണൾഡ്‌ ട്രംപ് ആവശ്യപ്പെട്ടതിനു പിന്നാലെ, ഇസ്രയേലിനെതിരായ ആക്രമണങ്ങൾ നിർത്തിവച്ചെന്നു ഇറാൻ പ്രഖ്യാപിച്ചു. എന്നാൽ ഇസ്രയേൽ പ്രകോപനം സൃഷ്ടിച്ചാൽ ശക്തമായി തിരിച്ചടിക്കുമെന്നു അവർ താക്കീതു നൽകുകയും ചെയ്തു.  

മിഡിൽ ഈസ്റ്റ് യുദ്ധത്തിൽ തന്റെ നിർദേശങ്ങൾ കേൾക്കണമെന്നു ട്രംപ് ഇസ്രയേലി പ്രധാനമന്ത്രി ബെന്യാമിൻ നെതന്യാഹുവിനോടു തുറന്നു പറഞ്ഞെങ്കിലും ഇറാനുമായി നീണ്ട പോരാട്ടത്തിന് അവർ തയാറെടുക്കുന്നു എന്നാണ് റിപ്പോർട്ടുകൾ സൂചിപ്പിക്കുന്നത്. യുദ്ധം തുടർന്നാൽ ട്രംപ് യുഎസിൽ രാഷ്ട്രീയ വെല്ലുവിളികൾ നേരിടുമെങ്കിൽ നെതന്യാഹു നേട്ടമുണ്ടാക്കും എന്നതാണ് സ്ഥിതി.

ബെയ്‌റൂട്ടിൽ ഇസ്രയേലിന്റെ ആക്രമണം  കനത്തതോടെയാണ് ഇറാൻ അവർക്കെതിരെ തിരിച്ചടിച്ചത്.

ഹൂത്തികൾ ഭീഷണി മുഴക്കുന്നു

യെമെനിലെ ഷിയാ കലാപകാരികളായ ഹൂത്തികൾ അതിനിടെ ഇസ്രേലിനെതിരെ ആക്രമണം നടത്തിയെന്നു അവകാശപ്പെട്ടു. എന്നാൽ ഇസ്രയേൽ അത് സ്ഥിരീകരിച്ചിട്ടില്ല. 

ഇസ്രയേലിന്റെ ജാഫാ മേഖലയിൽ നിരവധി മിസൈലുകൾ വർഷിച്ചെന്നാണ് ഹൂത്തികൾ പറയുന്നത്. ചെങ്കടലിൽ ഇസ്രയേലി കപ്പലുകൾക്കു ഉപരോധം ഏർപ്പെടുത്തുമെന്നു അവർ താക്കീതു നൽകി.

Houthis strike Israel, ban navigation in Red Sea