ഹോർമുസ് കടലിടുക്കിൽ ഇറാൻ നിയന്ത്രിക്കുന്ന ഭാഗങ്ങൾ രാജ്യത്തിൻറെ പുതുതായി രൂപം നൽകിയ പേർഷ്യൻ ഗൾഫ് സ്ട്രെയ്റ്റ് അതോറിട്ടി നിർണയിച്ചു. ഇറാനിലെ കു മുബാറക്കിൽ നിന്നു യു എ ഇയുടെ കിഴക്കു ഫുജൈറ വരെയും ഖാഷം ദ്വീപു മുതൽ ഹോർമുസിനു പടിഞ്ഞാറു യു എ എയിലെ ഉം അൽ ഖ്വയ്ൻ വരെയും ആണ് ഈ ഭാഗങ്ങളെന്നു അവർ എക്‌സിൽ പ്രഖ്യാപിച്ചു.  

അത്രയും പ്രദേശങ്ങളുടെ നിയന്ത്രണം അവകാശപ്പെടുന്ന അതോറിട്ടി, ആ വഴി പോകുന്ന എല്ലാ കപ്പലുകളും തങ്ങളിൽ നിന്നു അനുമതി വാങ്ങണം എന്ന് അനുശാസിക്കുന്നു.

തന്ത്രപ്രധാനമായ കടലിടുക്കിലൂടെയുള്ള ഗതാഗതം നിയന്ത്രിക്കാൻ അതോറിറ്റി രൂപീകരിച്ച കാര്യം തിങ്കളാഴ്ചയാണ് ഇറാൻ സുപ്രീം നാഷനൽ സെക്യൂരിറ്റി കൗൺസിൽ പ്രഖ്യാപിച്ചത്.

ഹോർമുസ് കടക്കുന്ന കപ്പലുകൾക്കു  info@PGSA.ir എന്ന ഇമെയിലിൽ നിന്ന് നിയമവ്യവസ്ഥകൾ ലഭിക്കും. ചട്ടങ്ങൾ പാലിച്ചു പെർമിറ്റ് എടുക്കാം.

Iran defines boundaries of Strait of Hormuz