യൂട്ടാ: ഭര്‍ത്താവിനെ വിഷം നല്‍കി കൊലപ്പെടുത്തിയ കേസില്‍ അമേരിക്കയിലെ യൂട്ടായില്‍ നിന്നുള്ള പ്രശസ്ത എഴുത്തുകാരി കോറി റിച്ചന്‍സിന്  പരോളില്ലാത്ത ജീവപര്യന്തം തടവുശിക്ഷ വിധിച്ചു. ഭര്‍ത്താവായ എറിക് റിച്ചന്‍സിന്റെ 44-ാം ജന്മദിനമായാ മെയ് 13 ബുധനാഴ്ചയാണ്  കോടതി വിധി പുറപ്പെടുവിച്ചത്.

2022 മാര്‍ച്ചില്‍ ഭര്‍ത്താവായ എറിക് റിച്ചന്‍സിന്റെ കോക്ക്‌ടെയിലില്‍ മാരകമായ അളവില്‍ 'ഫെന്റാനില്‍'  എന്ന മയക്കുമരുന്ന് കലര്‍ത്തി കൊലപ്പെടുത്തുകയായിരുന്നു

കൊലപാതകം, വഞ്ചന, വ്യാജരേഖ ചമയ്ക്കല്‍ എന്നീ കുറ്റങ്ങള്‍ തെളിയിക്കപ്പെട്ടതിനെത്തുടര്‍ന്ന് മരണം വരെ ജയിലില്‍ കഴിയണം.കൗരി റിച്ചിന്‍സിന്റെ കുറ്റകൃത്യങ്ങള്‍ക്ക് ശിക്ഷിക്കപ്പെട്ട ഒരാള്‍ 'ഒരിക്കലും സ്വതന്ത്രനാകാന്‍ കഴിയാത്തത്ര അപകടകാരിയാണ്' എന്ന് ജഡ്ജി റിച്ചാര്‍ഡ് മ്രാസിക് പറഞ്ഞു.

ഭര്‍ത്താവിന്റെ മരണശേഷം കുട്ടികള്‍ക്കായി 'Are You With Me?' എന്ന പേരില്‍ ദുഃഖം ലഘൂകരിക്കുന്നതിനെക്കുറിച്ചുള്ള ഒരു പുസ്തകം കോറി എഴുതിയിരുന്നു. ഇത് പിന്നീട് വലിയ വിവാദമായി.

തങ്ങളുടെ അമ്മ പുറത്തിറങ്ങിയാല്‍ തങ്ങള്‍ക്ക് സുരക്ഷിതബോധം ഉണ്ടാകില്ലെന്നും പേടിയാണെന്നും കോറിയുടെ മൂന്ന് ആണ്‍മക്കളും കോടതിയില്‍ അറിയിച്ചു.

ബിസിനസ്സ് തര്‍ക്കങ്ങളും സാമ്പത്തിക ലാഭവുമാണ് കൊലപാതകത്തിന് പ്രേരിപ്പിച്ചതെന്ന് പ്രോസിക്യൂഷന്‍ കണ്ടെത്തി. താന്‍ നിരപരാധിയാണെന്നും മക്കളെ ഓര്‍ത്ത് ജീവിക്കുമെന്നും കോറി കോടതിയില്‍ പറഞ്ഞു. വിധിക്ക് എതിരെ അപ്പീല്‍ നല്‍കുമെന്ന് പ്രതിഭാഗം അഭിഭാഷകര്‍ അറിയിച്ചു.