വാഷിംഗ്ടണ്‍ : 2022-ല്‍ ട്വിറ്റര്‍ (ഇന്നത്തെ X) ഓഹരികള്‍ വാങ്ങിയ വിവരം യഥാസമയം വെളിപ്പെടുത്താത്തതുമായി ബന്ധപ്പെട്ട് അമേരിക്കന്‍ സെക്യൂരിറ്റീസ് ആന്‍ഡ് എക്‌സ്‌ചേഞ്ച് കമ്മീഷന്‍ നല്‍കിയ കേസ് എലോണ്‍ മസ്‌ക് ഒത്തുതീര്‍പ്പാക്കി.

മസ്‌കിന്റെ പേരിലുള്ള ഒരു ട്രസ്റ്റ് 15 ലക്ഷം ഡോളര്‍ (ഏകദേശം 12.5 കോടി രൂപ) പിഴയായി നല്‍കുമെന്ന് കോടതി രേഖകള്‍ വ്യക്തമാക്കുന്നു. ട്വിറ്ററില്‍ വന്‍തോതില്‍ നിക്ഷേപം നടത്തിയത് നിയമപരമായ സമയപരിധിക്കുള്ളില്‍ വെളിപ്പെടുത്താന്‍ മസ്‌ക് പരാജയപ്പെട്ടുവെന്ന് 2025-ലാണ് SEC കോടതിയെ സമീപിച്ചത്.  

ഈ കാലതാമസം വഴി മസ്‌ക് കുറഞ്ഞ വിലയ്ക്ക് ഓഹരികള്‍ വാങ്ങിയെന്നും അതുവഴി ഏകദേശം 15 കോടി ഡോളര്‍ ലാഭിച്ചുവെന്നുമാണ് കമ്മീഷന്‍ ആരോപിച്ചിരുന്നത്.ഒത്തുതീര്‍പ്പ്: കുറ്റം സമ്മതിക്കുകയോ നിഷേധിക്കുകയോ ചെയ്യാതെയാണ് മസ്‌ക് പിഴയൊടുക്കാന്‍ സമ്മതിച്ചത്. ഇതോടെ മസ്‌കിനെതിരെയുള്ള വ്യക്തിപരമായ നിയമനടപടികള്‍ അവസാനിക്കും. ഇതൊരു ചെറിയ പിഴ മാത്രമാണെന്നും മസ്‌കിനെതിരെയുള്ള എല്ലാ ആരോപണങ്ങളും നീങ്ങിയെന്നും അദ്ദേഹത്തിന്റെ അഭിഭാഷകര്‍ അറിയിച്ചു. ട്രംപ് ഭരണകൂടത്തിന് കീഴില്‍ കമ്മീഷന്‍ സ്വീകരിച്ചിട്ടുള്ള ഉദാരമായ നിലപാടുകളുടെ ഭാഗമായാണ് ഈ ഒത്തുതീര്‍പ്പിനെ സാമ്പത്തിക വിദഗ്ധര്‍ വിലയിരുത്തുന്നത്.