കൊൽക്കത്ത: പശ്ചിമ ബംഗാളിലെ ഏഴ് ജില്ലകളിലായി 142 നിയമസഭാ മണ്ഡലങ്ങളിലേക്കുള്ള രണ്ടാം ഘട്ട വോട്ടെടുപ്പ് പുരോഗമിക്കുന്നു. വോട്ടെടുപ്പിനിടെ വിവിധ ജില്ലകളിൽ അക്രമ സംഭവങ്ങൾ റിപ്പോർട്ട് ചെയ്തിട്ടുണ്ട്. നദിയയിൽ നിന്നുള്ള ബിജെപി പോളിങ് ഏജന്റിന് തൃണമൂൽ കോൺഗ്രസ് (ടിഎംസി) പ്രവർത്തകരുടെ ആക്രമണത്തിൽ പരുക്കേറ്റു.

തുടർച്ചയായ സംഘർഷങ്ങൾക്കിടയിലും ബംഗാളിൽ മികച്ച പോളിങ് ആണ് രേഖപ്പെടുത്തുന്നത്.

ആർ.ജി കർ ബലാത്സംഗ-കൊലപാതക കേസിലെ ഇരയുടെ അമ്മയും ബിജെപി സ്ഥാനാർത്ഥിയുമായ താൻ ടിഎംസി പ്രവർത്തകരാൽ ആക്രമിക്കപ്പെട്ടുവെന്ന് ആരോപിച്ചു. അതേസമയം, വോട്ടർമാരെ ഭയപ്പെടുത്താൻ ബിജെപി ഔദ്യോഗിക സംവിധാനങ്ങൾ ദുരുപയോഗം ചെയ്യുന്നുവെന്ന് തൃണമൂൽ കോൺഗ്രസ് ആരോപിച്ചു. ഉച്ചയ്ക്ക് ഒരു മണി വരെ സംസ്ഥാനത്ത് ആകെ 61.11 ശതമാനം വോട്ട് രേഖപ്പെടുത്തി.

പശ്ചിമ ബംഗാൾ നിയമസഭാ തിരഞ്ഞെടുപ്പിന്റെ നിർണായകമായ രണ്ടാം ഘട്ട വോട്ടെടുപ്പ് ഇന്ന്. സംസ്ഥാനത്തെ ഏഴ് ജില്ലകളിലായി വ്യാപിച്ചു കിടക്കുന്ന 142 മണ്ഡലങ്ങളാണ് ഇന്ന് വിധിയെഴുതുന്നത്. ഭരണകക്ഷിയായ തൃണമൂൽ കോൺഗ്രസിനും (ടിഎംസി) ബിജെപിക്കും ഒരുപോലെ നിർണായകമായ ഈ ഘട്ടത്തിൽ, കൊൽക്കത്തയിലെ ഭവാനിപൂർ മണ്ഡലത്തിലാണ് രാജ്യം ഉറ്റുനോക്കുന്ന ഏറ്റവും വലിയ പോരാട്ടം നടക്കുന്നത്. മുഖ്യമന്ത്രി മമത ബാനർജിയും ബിജെപിയുടെ കരുത്തനായ നേതാവ് സുവേന്ദു അധികാരിയും തമ്മിലുള്ള നേരിട്ടുള്ള ഏറ്റുമുട്ടലാണ് ഇവിടെ നടക്കുന്നത്.

ബിജെപി-തൃണമൂൽ പ്രവർത്തകർ പരസ്പരം പോർവിളികളുമായി തെരുവിലിറങ്ങിയത് പലയിടങ്ങളിലും പോളിങ് തടസ്സപ്പെടാൻ ഇടയാക്കി.