ഇഷ ഫൗണ്ടേഷൻ സ്ഥാപകൻ സദ്ഗുരുവിനെ ആധ്യാത്മിക ആചാര്യൻ, മനുഷ്യസ്നേഹി, എഴുത്തുകാരൻ, പരിസ്ഥിതി വാദി എന്നീ നിലകളിൽ ലോകത്തിനു നൽകിയ സംഭാവനകളുടെ പേരിൽ ഡെലവെയർ ഗവർണർ മാത്യു മേയർ ആദരിച്ചു. യോഗയിൽ അധിഷ്ഠിതമായി അദ്ദേഹത്തെ നൽകുന്ന പാഠങ്ങൾ ലോകമെമ്പാടും ആധുനിക തലമുറയ്ക്കു വരെ പ്രയോജനപ്പെടുന്നുവെന്നു മേയർ ചൂണ്ടിക്കാട്ടി.

ഏറ്റവുമധികം സ്വാധീനമുള്ള ഇന്ത്യയുടെ പൗരനും നമ്മുടെ കാലഘട്ടത്തിലെ മഹാനായ ആധ്യാത്മിക ആചാര്യനുമാണ് സദ്‌ഗുരുവെന്നു ഡെലവെയർ ഉദ്യോഗസ്ഥന്മാർ പറഞ്ഞു. വൻ തോതിൽ വൃക്ഷങ്ങൾ വച്ചു പിടിപ്പിക്കയും മണ്ണു സംരക്ഷണ പദ്ധതികൾ നടപ്പാക്കുകയും ചെയ്തു ഗ്രാമമേഖലകളിൽ അദ്ദേഹം വലിയ സംഭാവന നൽകുന്നു.

ഡെലവെയറിലും അദ്ദേഹത്തിന്റെ സംഭാവനകൾ ശ്രദ്ധിക്കപ്പെട്ടിട്ടുണ്ട്.

ഗവർണറെ കണ്ടുമുട്ടാൻ കഴിഞ്ഞതിൽ താൻ ബഹുമാനിതനായി എന്ന് സദ്ഗുരു സോഷ്യൽ മീഡിയയിൽ കുറിച്ചു.

Sadhguru recognized by Delaware Governor