യുഎസും ഇറാനും തമ്മിലുള്ള രണ്ടാം വട്ട ചർച്ചകൾ തിങ്കളാഴ്ച്ച ഇസ്ലാമാബാദിൽ ആരംഭിക്കുമെന്നു ഇറാൻ ഉദ്യോഗസ്ഥരെ ഉദ്ധരിച്ചു സി എൻ എൻ റിപ്പോർട്ട് ചെയ്തു. വാരാന്ത്യത്തിൽ ചർച്ച ഉണ്ടാവുമെന്നു പ്രസിഡന്റ് ട്രംപ് നേരത്തെ സൂചിപ്പിച്ചിരുന്നു.

ഇരു രാജ്യങ്ങളുടെയും പ്രതിനിധി സംഘങ്ങൾ ഞായറാഴ്ച്ച പാക്ക് തലസ്‌ഥാനത്തു എത്തിച്ചേരുമെന്നാണ് സി എൻ എൻ പറയുന്നത്.  

ഖത്തർ എമിർ ഷെയ്ഖ് തമിം ബിൻ ഹമദ് അൽ താണിയും തുർക്കി പ്രസിഡന്റ് റെസിപ് ഉർദൂഗാനും പാക്ക് പ്രധാനമന്ത്രി ഷെഹ്ബാസ് ഷെരീഫുമായി ചർച്ച നടത്തി. പാക്കിസ്ഥാൻ നടത്തുന്ന സമാധാന ശ്രമങ്ങളെ കുറിച്ചായിരുന്നു ചർച്ചയെന്നു ഖത്തറിന്റെ 'അൽ ജസീറ' ടെലിവിഷൻ പറഞ്ഞു.

പാക്ക് സൈനിക മേധാവി അസിം മുനീർ വ്യാഴാഴ്ച്ച ഇറാന്റെ സ്പീക്കർ മുഹമ്മദ് ബാഗർ ഗാലിബഫിനെ കണ്ടു സംസാരിച്ചു.

Next round of US-Iran talks likely in Pakistan on Monday