വാഷിംഗ്ടൺ ഡി.സി., ഏപ്രിൽ 7 : അമേരിക്കൻ പ്രസിഡന്റ് ഡൊണാൾഡ് ട്രംപ് ആർട്ടെമിസ്  II മിഷൻ  സംഘാംഗങ്ങളുമായി സംസാരിച്ചു. മാനവ ബഹിരാകാശ യാത്രയുടെ ചരിത്രത്തിൽ പുതിയ റെക്കോർഡ് സൃഷ്ടിച്ച അവരുടെ നേട്ടം ലോകത്തെ പ്രചോദിപ്പിച്ചതാണെന്ന് പറഞ്ഞുകൊണ്ടാണ് പ്രസിഡന്റ് അവരെ അഭിനന്ദിച്ചത്. ഈ ദൗത്യം അമേരിക്കയെ വീണ്ടും ചന്ദ്രന്റെ ഉപരിതലത്തിലേക്ക് തിരിച്ചെത്തിക്കുന്ന വഴിയൊരുക്കുന്നതാണെന്നും അദ്ദേഹം പറഞ്ഞു.

മനുഷ്യർ ഭൂമിയിൽ നിന്ന് ഇതുവരെ സഞ്ചരിച്ച ഏറ്റവും ദൂരം പിന്നിട്ട നേട്ടത്തിന് പിന്നാലെയാണ് ട്രംപ് ആർട്ടെമിസ്–II സംഘത്തോട് സംസാരിച്ചത്.

അരനൂറ്റാണ്ടിലേറെ പിന്നിട്ട ശേഷം  മനുഷ്യചന്ദ്രദൗത്യത്തിന്  ഇത്ര വലിയ നേട്ടം കൈവരിച്ച ആർട്ടെമിസ്–II , മനുഷ്യർ ഇതുവരെ കണ്ടിട്ടില്ലാത്ത ദൂരം  സഞ്ചരിച്ചിരിക്കുന്നതാണെന്നും ട്രംപ് അഭിപ്രായപ്പെട്ടു.

നാസ വികസിപ്പിച്ച ഏറ്റവും ശക്തമായ റോക്കറ്റിൽ സഞ്ചരിച്ച് ഒരു പാദലക്ഷം മൈലിലധികം ദൂരം പിന്നിട്ട് 1970-ലെ അപ്പോളോ 13 ദൗത്യത്തിന്റെ റെക്കോർഡ് മറികടന്നതിനെ ട്രംപ് പ്രശംസിച്ചു. ആർട്ടെമിസ്–IIയിലെ നാല് ബഹിരാകാശയാത്രികരും “ആധുനിക കാലത്തിന്റെ പയനിയർമാർ” ആണെന്നും അദ്ദേഹം വിശേഷിപ്പിച്ചു

അമേരിക്ക വീണ്ടും ചന്ദ്രനിൽ രാജ്യത്തിന്റെ പതാക ഉയർത്തുമെന്നും ഇത്തവണ വെറും പാദമുദ്രകൾ മാത്രമല്ല, സ്ഥിര സാന്നിധ്യവും സ്ഥാപിക്കുമെന്നും തുടർന്ന് മാർസ് ദൗത്യത്തിലേക്ക് നീങ്ങുമെന്നും ട്രംപ് പറഞ്ഞു. ബഹിരാകാശ ഗവേഷണ രംഗത്ത് അമേരിക്ക തുടർന്നും ലോകത്തെ നയിക്കുമെന്നും അദ്ദേഹം വ്യക്തമാക്കി.

ആർട്ടെമിസ്–II ദൗത്യം മനുഷ്യരെ വീണ്ടും ചന്ദ്രനിലേക്ക് എത്തിക്കാനുള്ള നാസയുടെ ദീർഘകാല പദ്ധതിയിലെ നിർണായക ഘട്ടമായാണ് ഇത് വിലയിരുത്തപ്പെടുന്നത്.