വാഷിംഗ്ടൺ: 'സക്കാഡ (ബിഎ.3.2) എന്ന പുതിയ കോവിഡ് വകഭേദം അമേരിക്കയിലെ 25 സംസ്ഥാനങ്ങളിലെങ്കിലും  വ്യാപിച്ചതായി റിപ്പോർട്ടുകൾ. പ്രതിരോധശേഷിയെ ഭാഗികമായി മറികടക്കാനുള്ള കഴിവാണ് ഈ വകഭേദത്തിന്റെ പ്രത്യേകതയെന്ന് വിദഗ്ധർ മുന്നറിയിപ്പ് നൽകി.

ഫെബ്രുവരി 2026ൽ സിഡിസി പുറത്തു വിട്ട വിവരങ്ങൾ പ്രകാരം, ബിഎ.3.2 വകഭേദം ഇതിനകം നിരവധി സംസ്ഥാനങ്ങളിൽ കേസുകളുടെ വർധനവിന് കാരണമായിട്ടുണ്ട്. വാക്സിനേഷനും മുൻകാല ബാധയും വഴി ആളുകൾ നേടിയ പ്രതിരോധശേഷിയെ ഭാഗികമായി ഒഴിവാക്കി വൈറസ് വ്യാപിക്കാനുള്ള കഴിവാണ് ഇതിന്റെ വേഗതയ്ക്ക് പിന്നിലെ പ്രധാന കാരണം.

ഈ വകഭേദം ആദ്യമായി 2024ൽ സൗത്ത് ആഫ്രിക്കയിൽ കണ്ടെത്തിയതാണ്. ഏറെക്കാലം വിദഗ്ധരുടെ ശ്രദ്ധയിൽപ്പെടാതെ തുടരുകയായിരുന്നു.

വൈറസിന്റെ സ്പൈക്ക് പ്രോട്ടീനിൽ ഉണ്ടായ മാറ്റങ്ങളാണ് പുതിയ വകഭേദം മനുഷ്യരുടെ പ്രതിരോധ വ്യവസ്ഥയെ ഒഴിവാക്കി വ്യാപിക്കാൻ സഹായിക്കുന്നതെന്ന് ആരോഗ്യവിദഗ്ധർ വ്യക്തമാക്കുന്നു. എന്നാൽ മനുഷ്യകോശങ്ങളുമായി വൈറസ് ശക്തമായി ബന്ധപ്പെടുന്ന ഗൗരവം മുൻ വകഭേദങ്ങളെ അപേക്ഷിച്ച് കൂടുതലാകില്ലെന്ന ആശ്വാസവും വിദഗ്ധർ പങ്കുവയ്ക്കുന്നു.

ഇതിന്റെ ലക്ഷണങ്ങൾ സാധാരണ പനി, ജലദോഷം, ഫ്ലൂ എന്നിവയുമായി സാമ്യമുള്ളതിനാൽ രോഗം തിരിച്ചറിയുന്നത് ചിലപ്പോൾ ബുദ്ധിമുട്ടാകാമെന്ന് ആരോഗ്യപ്രവർത്തകർ മുന്നറിയിപ്പ് നൽകുന്നു. സാധാരണയായി കാണപ്പെടുന്ന പ്രധാന ലക്ഷണങ്ങൾ:

• ചുമ 
• തൊണ്ടവേദന 
• മൂക്കടപ്പ് 
• പനി അല്ലെങ്കിൽ തണുപ്പ് പിടിത്തം 
• ശ്വാസംമുട്ടൽ 
• ക്ഷീണം 
• തലവേദന 
• വയറിളക്കം 
• രുചിയും മണവും അറിയാനുള്ള ശേഷി കുറയുക

ഈ ലക്ഷണങ്ങൾ പലപ്പോഴും സാധാരണ ജലദോഷത്തോടോ സീസണൽ അലർജിയോടോ സാമ്യമുള്ളതിനാൽ പരിശോധനകൾ വഴി സ്ഥിരീകരണം നിർണായകമാണെന്ന് വിദഗ്ധർ നിർദ്ദേശിക്കുന്നു.

അതേസമയം, നിലവിലെ വിലയിരുത്തലുകൾ പ്രകാരം ഈ പുതിയ വകഭേദം മുൻ കോവിഡ് വകഭേദങ്ങളെക്കാൾ കൂടുതൽ ഗുരുതരമായ ആരോഗ്യപ്രശ്നങ്ങൾ സൃഷ്ടിക്കാനുള്ള സാധ്യത കുറവാണെന്നതാണ് ആരോഗ്യവിദഗ്ധരുടെ പ്രാഥമിക നിരീക്ഷണം. എന്നാൽ രോഗവ്യാപനം നിയന്ത്രിക്കാൻ ജാഗ്രത തുടരേണ്ടതുണ്ടെന്നും അവർ വ്യക്തമാക്കി.

Cicada COVID variant hits 25 US states