കലിഫോർണിയയിൽ ഡീസൽ വിലകൾ റെക്കോർഡ് ഭേദിച്ച് കുതിക്കുന്നു. ചൊവാഴ്ച്ച ഒരു ഗാലൻ ഡീസലിനു ശരാശരി $7.018 എത്തിയതായി അമേരിക്കൻ ഓട്ടോമൊബൈൽ അസോസിയേഷൻ (എ എ എ) അറിയിച്ചു.

എ എ എ ഡാറ്റാ ബേസിൽ എക്കാലവും രേഖപ്പെടുത്തിയ ഏറ്റവും ഉയർന്ന വിലയാണിത്.  ദേശീയ ശരാശരി $5.345 ആണ്

എണ്ണ ശുദ്ധീകരണം കുറഞ്ഞതാണ് വിലക്കയറ്റത്തിനു കാരണമായി പറയുന്നത്. ഇറാൻ യുദ്ധം മൂലം ആഗോള എണ്ണ നീക്കം തടസപ്പെട്ടതും ഒരു കാരണമാണ്.

കാലിഫോർണിയയിൽ 2025 ഒക്ടോബർ മുതൽ രണ്ടു റിഫൈനറികൾ ഇല്ലാതായതോടെ 20% ഉത്പാദനം കുറഞ്ഞു.

ചരക്കുനീക്കത്തിനുള്ള ചെലവ് ഇതോടെ കുതിച്ചു  കയറി. ഭക്ഷണം, കെട്ടിട നിർമാണ സാമഗ്രികൾ, ചില്ലറ വില്പന സാധനങ്ങൾ തുടങ്ങിയവ കൊണ്ടുപോകുന്ന ഡീസൽ ട്രക്കുകൾക്കു ചെലവേറി.

മുൻകാല വിലകളെയെല്ലാം പിന്തള്ളിയാണ് ഇപ്പോഴത്തെ കുതിപ്പെന്നു എ എ എ പറയുന്നു.

California diesel prices hit record high