2028-ലെ അമേരിക്കൻ പ്രസിഡന്റ് തിരഞ്ഞെടുപ്പിന് മുന്നോടിയായി ഡെമോക്രാറ്റിക് പാർട്ടി സ്ഥാനാർത്ഥികളെക്കുറിച്ച് കലിഫോർണിയയിൽ നടത്തിയ സർവ്വേയിൽ നിലവിലെ ഗവർണർ ഗവിൻ ന്യൂസമിനു വൻ മുന്നേറ്റം. മുൻ വൈസ് പ്രസിഡന്റ് കമല ഹാരിസിനേക്കാൾ 14 പോയിന്റ് അധികം നേടിയാണ് ന്യൂസം സ്വന്തം സംസ്ഥാനത്ത് കരുത്തറിയിച്ചത്.

സർവ്വേയിൽ പങ്കെടുത്തവരിൽ 28% പേർ ന്യൂസമിനെ പിന്തുണച്ചപ്പോൾ കമല ഹാരിസിന് 14% പേരുടെ പിന്തുണ മാത്രമേ ലഭിച്ചുള്ളൂ.

അലക്സാണ്ട്രിയ ഒകാസിയോ-കോർട്ടസ് (12%), മുൻ ഗതാഗത സെക്രട്ടറി പീറ്റ് ബൂട്ടിഗീഗ് (11%) എന്നിവരാണ് തൊട്ടു പിന്നാലെയുള്ളത്.

രാഷ്ട്രീയ ഉപദേശകർക്കും ഉദ്യോഗസ്ഥർക്കുമിടയിൽ നടത്തിയ സർവ്വേയിൽ ന്യൂസമിനു 17% പിന്തുണ ലഭിച്ചപ്പോൾ കമല ഹാരിസിന് വെറും 2% പിന്തുണയേ നേടാനായുള്ളൂ.

റിപ്പബ്ലിക്കൻ പാർട്ടിയുടെ സർവ്വേയിൽ വൈസ് പ്രസിഡന്റ് ജെ ഡി വാൻസ് (43%) വ്യക്തമായ ലീഡ് നിലനിർത്തുന്നു. മാർക്കോ റൂബിയോയാണ് (15%) രണ്ടാമത്.

ട്രംപിനെതിരെയുള്ള പോരാട്ടത്തിൽ സജീവമായി രംഗത്തുള്ളതാണ് ന്യൂസത്തിന് അനുകൂലമായതെന്നാണ് രാഷ്ട്രീയ നിരീക്ഷകരുടെ വിലയിരുത്തൽ.