ഫോര്‍ട്ട് വര്‍ത്ത് (ടെക്‌സസ് ):   കൊലപാതകക്കേസിലെ പ്രതിയായ യുവതി തന്റെ കണങ്കാലില്‍ ഘടിപ്പിച്ചിരുന്ന ഇലക്ട്രോണിക് മോണിറ്റര്‍  അഴിച്ചുമാറ്റി ഒളിവില്‍ പോയി. ടാറന്റ് കൗണ്ടി ഷെരീഫ് ഓഫീസാണ് വിവരം പുറത്തുവിട്ടത്.

35 വയസ്സുകാരിയായ ലിസ മിച്ചല്‍ ആണ് ഒളിവില്‍ പോയത്. ഫോര്‍ട്ട് വര്‍ത്ത് മേഖലയിലാണ് ഇവരെ അവസാനമായി കണ്ടത്.

നോര്‍ത്ത് റിച്ച്‌ലാന്‍ഡ് ഹില്‍സില്‍ ഒരാളുടെ മരണത്തിന് കാരണമായ ഫെന്റനൈല്‍ (Fentanyl) മരുന്ന് വിറ്റതിനാണ് ഇവര്‍ക്കെതിരെ കൊലക്കുറ്റം ചുമത്തിയത്.

ജാമ്യവ്യവസ്ഥ ലംഘനം: ജയിലില്‍ നിന്ന് ജാമ്യത്തില്‍ ഇറങ്ങിയ ഇവര്‍ക്ക് കര്‍ശനമായ നിരീക്ഷണത്തിനായി കണങ്കാല്‍ മോണിറ്റര്‍ ധരിക്കണമെന്ന വ്യവസ്ഥയുണ്ടായിരുന്നു. എന്നാല്‍ ഇത് അഴിച്ചുമാറ്റിയതോടെ ഇവര്‍ക്കെതിരെ കൂടുതല്‍ കേസുകള്‍ രജിസ്റ്റര്‍ ചെയ്തു.

പ്രതിഫലം: ഇവരെ കണ്ടെത്താന്‍ സഹായിക്കുന്ന വിവരങ്ങള്‍ നല്‍കുന്നവര്‍ക്ക് ക്രൈം സ്റ്റോപ്പേഴ്‌സ് 1,000 ഡോളര്‍ വരെ പ്രതിഫലം പ്രഖ്യാപിച്ചിട്ടുണ്ട്.