ഇത്തവണത്തെ പ്രണയദിനം ഇന്ത്യൻ ചോക്ലേറ്റ് വിപണിക്ക് നൽകിയത് റെക്കോർഡ് നേട്ടം. പ്രമുഖ ക്വിക്ക്-കൊമേഴ്‌സ് പ്ലാറ്റ്‌ഫോമായ സ്വിഗ്ഗി ഇൻസ്റ്റാമാർട്ടിൽ  നിന്നുള്ള ഏറ്റവും പുതിയ കണക്കുകൾ പറയുന്നത്  രാജ്യം കണ്ടിട്ടുള്ളതിൽ വച്ച് ഏറ്റവും വലിയ ചോക്ലേറ്റ് വിൽപ്പനയാണ്  ഫെബ്രുവരി 14-ന് നടന്നത് എന്നാണ് .

 14-ന് ഉച്ചയ്ക്ക് 11:59-ന് ഇൻസ്റ്റാമാർട്ടിൽ മിനിറ്റിൽ 1,042 ചോക്ലേറ്റുകളാണ് വിറ്റഴിച്ചത്. കഴിഞ്ഞ വർഷം ഇത് മിനിറ്റിൽ 581 ആയിരുന്നു.

കൊൽക്കത്തയിൽ  ഒരാൾ മാത്രം 25,000 രൂപയുടെ പ്രീമിയം ചോക്ലേറ്റുകൾ ഒറ്റ ഓർഡറിൽ വാങ്ങി ഇത്തവണത്തെ ഏറ്റവും വലിയ 'ഷോപ്പർ' ആയി മാറി.

ഹൃദയാകൃതിയിലുള്ള  ചോക്ലേറ്റുകൾക്കായുള്ള തിരച്ചിൽ മുൻ ആഴ്ചയെ അപേക്ഷിച്ച് 500 ശതമാനം വർദ്ധിച്ചു. വെറും ചോക്ലേറ്റ് ബാറുകൾക്ക് പകരം ഫോട്ടോ വെച്ച ചോക്ലേറ്റ് ബോക്സുകൾക്കും, പേരുകൾ കൊത്തിയ ചോക്ലേറ്റുകൾക്കും ആവശ്യക്കാർ ഏറി.

പൂക്കൾക്ക് പകരമായും അല്ലെങ്കിൽ പൂക്കൾക്കൊപ്പം ചോക്ലേറ്റ് ബൊക്കെകൾ നൽകുന്ന രീതിയും ഇത്തവണ വാർത്തകളിൽ ഇടംപിടിച്ചു.

ഓർഡർ ചെയ്ത പകുതിയോളം പേരും  അത് സ്വന്തം വിലാസത്തിലല്ല, മറിച്ച് പ്രിയപ്പെട്ടവർക്ക് സമ്മാനമായി  നേരിട്ട് അയച്ചുകൊടുക്കുകയായിരുന്നു.

ചോക്ലേറ്റുകൾക്ക് പുറമെ ടെഡി ബിയറുകൾക്ക് 568 ശതമാനവും, പൂക്കൾക്ക് 10 മടങ്ങും ആവശ്യക്കാർ ഏറി.
കേരളത്തിലും ക്വിക്ക്-കൊമേഴ്‌സ് പ്ലാറ്റ്‌ഫോമുകൾ വഴി ചോക്ലേറ്റുകൾക്കും ഗിഫ്റ്റ് ഹാംപറുകൾക്കും വലിയ സ്വീകാര്യതയാണ് ലഭിച്ചത്. പ്രത്യേകിച്ച് കൊച്ചി, തിരുവനന്തപുരം പോലുള്ള നഗരങ്ങളിൽ യുവാക്കൾക്കിടയിൽ ഡാർക്ക് ചോക്ലേറ്റുകൾക്കും ആർട്ടിസാനൽ ചോക്ലേറ്റുകൾക്കുമായിരുന്നു പ്രിയം