സീറോ മലബാർ സഭയിലെ ആരാധനാക്രമ വഴക്കിലടക്കം ചിലരുടെ കുത്സിത ഇടപെടലുണ്ടെന്ന തൃ​ശൂ​ർ ആ​ർ​ച്ച്ബി​ഷപ്പ്​ മാ​ർ ആ​ൻ​ഡ്രൂ​സ് താ​ഴ​ത്തിന്റെ പ്രസ്താവന വിവാദത്തിൽ. പോ​പ്പു​ല​ർ ഫ്ര​ണ്ടി​നെ റെ​യ്ഡ് ചെ​യ്ത ഒ​രു ഉ​ദ്യോ​ഗ​സ്ഥ​ൻ പ​റ​ഞ്ഞ​ത​നു​സ​രി​ച്ച് അ​വ​രു​ടെ പ​ദ്ധ​തി​ക​ളി​ൽ ചി​ല​ത് സീറോ​മ​ല​ബാ​ർ സ​ഭ​യി​ൽ ഭി​ന്നി​പ്പു​ണ്ടാ​ക്കു​ക എ​ന്ന​താ​യി​രു​ന്നുവെന്നും ഏ​റ്റ​വും സം​ഘ​ടി​ച്ചു നി​ൽ​ക്കു​ന്ന സ​ഭാ വി​ഭാ​ഗ​ത്തെ ഭി​ന്നി​പ്പി​ച്ചും വ​ഴ​ക്ക​ടി​പ്പി​ച്ചും ത​ക​ർ​ക്കാ​മെ​ന്ന് അ​വ​ർ ക​ണ​ക്കു​കൂ​ട്ടി​യി​രു​ന്നുവെന്നും അദ്ദേഹം പറഞ്ഞു. ദീപിക ദിനപത്രത്തിന് നല്‍കിയ അഭിമുഖത്തിലായിരുന്നു  ആർച്ച് ബിഷപ്പിന്റെ പരാമർശം.

ചില സംസ്ഥാനങ്ങളിലെ ക്രൈസ്തവർ പേടിച്ചാണ് കഴിയുന്നതെന്നും അ​ടു​ത്ത​കാ​ല​ത്താ​യി അ​ക്ര​മ​ങ്ങ​ൾ വ​ള​രെ കൂ​ടി​യി​ട്ടു​ണ്ടെന്നും അദ്ദേഹം പറഞ്ഞു. പെ​ന്ത​ക്കോ​സ്തു​കാ​രു​ടെ ആ​ക്‌​ഷ​നാ​ണ് പ​ല​പ്പോ​ഴും പ്ര​കോ​പ​ന​ങ്ങ​ൾ ഉ​ണ്ടാ​ക്കു​ന്ന​തെ​ങ്കി​ലും അ​തി​ന്‍റെ പ്ര​തി​ക​ര​ണ​ങ്ങ​ളും ആ​ക്ര​മ​ണ​ങ്ങ​ളും നേ​രി​ടു​ന്ന​ത് ക​ത്തോ​ലി​ക്ക​രും എ​പ്പി​സ്കോ​പ്പ​ൽ സ​ഭാം​ഗ​ങ്ങ​ളു​മാ​ണ്. സ​ഭാ​വ​സ്ത്രം ധ​രി​ച്ച് യാ​ത്ര​ചെ​യ്യു​ന്ന ക​ന്യാ​സ്ത്രീ​ക​ളും വൈ​ദി​ക​രും ആ​ക്ര​മി​ക്ക​പ്പെ​ടു​ന്നു. പ​ള്ളി​ക​ളും കു​രി​ശ് സ്ഥാ​പി​ച്ചി​ട്ടു​ള്ള സ്ഥാ​പ​ന​ങ്ങ​ളും അ​ക്ര​മ​ത്തി​നി​ര​യാ​കു​ന്നു. മാ​ത്ര​മ​ല്ല യാ​തൊ​രു​ത​ര​ത്തി​ലു​ള്ള നി​യ​മ​ലം​ഘ​നം ന​ട​ത്താ​ത്ത​വ​രെ​യും പി​ടി​ച്ച് ജ​യി​ലി​ലി​ടു​ന്നു. ക്രൈ​സ്ത​വ​ർ നി​ർ​ബ​ന്ധിത മ​ത​പ​രി​വ​ർ​ത്ത​ന​ത്തി​ന് എ​തി​രാ​ണെന്നും അദ്ദേഹം പറഞ്ഞു.

ക്രൈ​സ്ത​വ​ർ രാ​ജ‍്യ​ത്ത് ഓ​രോ വ​ർ​ഷ​വും പി​ന്നാ​ക്കം പൊ​യ്ക്കൊ​ണ്ടി​രി​ക്കു​ക​യാ​ണ്. 2.7 ശ​ത​മാ​നം ഉ​ണ്ടാ​യി​രു​ന്ന​ത് ഇ​പ്പോ​ൾ 2.3 ശ​ത​മാ​ന​മാ​യി ചു​രു​ങ്ങി. ക​ത്തോ​ലി​ക്ക​രാ​ക​ട്ടെ 1.67 ശ​ത​മാ​നം മാ​ത്ര​മാ​ണ്. കേ​ര​ള​ത്തി​ലേ​ത് ഗു​രു​ത​ര​മാ​യ അ​വ​സ്ഥ​യാ​ണ്. എ​ണ്ണം കു​റ​യു​ന്നു എ​ന്നു മാ​ത്ര​മ​ല്ല, വി​ദേ​ശ​ കു​ടി​യേ​റ്റം ഏ​റ്റ​വു​മ​ധി​കം ബാ​ധി​ച്ചി​രി​ക്കു​ന്ന​ത് ക്രൈ​സ്ത​വ​രെ​യാ​ണ്. വീ​ടു​ക​ളി​ൽ കു​ട്ടി​ക​ളു​ടെ എ​ണ്ണം കു​റ​യു​ന്നു. ഒ​രു​പാ​ടു​പേ​ർ​ക്ക് വി​വാ​ഹം ന​ട​ക്കു​ന്നി​ല്ല. പ​ന്ത്ര​ണ്ടാം ക്ലാ​സി​ൽ എ​ത്തി​യാ​ൽ​ പി​ന്നെ എ​ങ്ങ​നെ​യെ​ങ്കി​ലും പു​റ​ത്തേ​ക്കു പോ​ക​ണ​മെ​ന്ന ചി​ന്ത​യാ​യി. എ​ന്തു​കൊ​ണ്ട് ഇ​ങ്ങ​നെ സം​ഭ​വി​ക്കു​ന്നു എ​ന്ന കാ​ര്യം ചി​ന്തി​ക്ക​ണം.

കേ​ര​ള​ത്തി​ൽ എ​ൽ​ഡി​എ​ഫ്, യു​ഡി​എ​ഫ് സ​ർ​ക്കാ​രുകൾ ക്രൈസ്തവരെ അ​വ​ഗ​ണി​ക്കുന്നു. ചി​ല മ​ത​ങ്ങ​ളി​ൽ എ​ല്ലാ​വ​ർ​ക്കും സം​വ​ര​ണാ​നു​കൂ​ല്യ​ങ്ങ​ളു​ണ്ട്. എ​ന്നാ​ൽ, ക്രൈ​സ്ത​വ​ർ​ക്കി​ല്ല. ഇ​ത്ത​രം വി​വേ​ച​ന​വും അ​വ​ഗ​ണ​ന​യും എ​ന്തു​കൊ​ണ്ടാ​ണെന്നും അദ്ദേഹം ചോദിക്കുന്നു.

ക്രൈ​സ്ത​വ​രി​ൽ സ​മു​ദാ​യ​ബോ​ധം കു​റ​ഞ്ഞു. ക്രൈ​സ്ത​വ​ർ വ​ർ​ഗീ​യ​ത​യോ​ടെ ചി​ന്തി​ച്ചി​ല്ല. ഏ​റ്റ​വും കു​റ​ച്ചു വ​ർ​ഗീ​യ​ചി​ന്ത​യു​ള്ള​ത് ക്രൈ​സ്ത​വ​ർ​ക്കാ​ണ്. പ​ക്ഷേ, മ​റ്റു മ​ത​ങ്ങ​ളി​ൽ വ​ർ​ഗീ​യ​ത കൂ​ടി വ​രു​ന്ന​താ​യാ​ണ് അ​നു​ഭ​വം. ഇ​പ്പോ​ൾ ന​മ്മ​ൾ പ​റ​യു​ന്ന​ത് സ​മു​ദാ​യ​ബോ​ധം ഉ​ണ്ടാ​ക​ണം, ഒ​പ്പം വ​ർ​ഗീ​യ​ത ഉ​ണ്ടാ​കാ​ൻ പാ​ടി​ല്ല എ​ന്നാ​ണ്.

‌ക്രൈ​സ്ത​വ​രി​ലും വ​ർ​ഗീ​യ​ത സൃ​ഷ്ടി​ക്കാ​ൻ ചി​ല സം​ഘ​ട​ന​ക​ൾ ശ്ര​മി​ക്കു​ന്നു​ണ്ടോ എന്ന ചോദ്യത്തിന് ചി​ല സം​ഘ​ട​ന​ക​ളെ​ക്കു​റി​ച്ച് അ​ങ്ങ​നെ തോ​ന്നി​യി​ട്ടു​ണ്ടെന്നായിരുന്നു ആർ‌ച്ച് ബിഷപ്പിന്റെ മറുപടി. അ​ങ്ങ​നെ​യു​ള്ള സം​ഘ​ട​ന​ക​ൾ​ക്ക് ഹി​ന്ദു തീ​വ്ര​വാ​ദ സം​ഘ​ട​ന​ക​ളു​ടെ പി​ന്തു​ണ​യു​ണ്ട്. ഓ​രോ വ​ർ​ഷം ക​ഴി​യു​ന്തോ​റും കേ​ര​ള​ത്തി​ല​ട​ക്കം സം​ഘ​ടി​ത​മാ​യി​ട്ടു​ള്ള തീ​വ്ര​വാ​ദ ഗ്രൂ​പ്പു​ക​ൾ സ​ജീ​വ​മാ​കു​ക​യാ​ണ്. ജ​മാ ​അ​ത്തെ ഇ​സ്‌​ലാ​മി ഒ​രു ഭാ​ഗ​ത്ത്, ആ​ർ​എ​സ്എ​സ് വേ​റൊ​രു ഭാ​ഗ​ത്ത്. ക്രി​സ്ത്യാ​നി​ക​ളു​ടെ ഇ​ട​യി​ലും തീ​വ്ര​വാ​ദ ഗ്രൂ​പ്പു​ക​ളു​ണ്ട്. മ​റ്റു​ചി​ല​ർ അ​വ​രെ പ്രോ​ത്സാ​ഹി​പ്പി​ക്കു​ന്നു. വ​ർ​ഗീ​യ​ത വ​ള​ർ​ത്തു​ന്ന​തി​ൽ ചി​ല രാ​ഷ്‌​ട്രീ​യ​ക്കാ​ർ​ക്കും പ​ങ്കു​ണ്ടെന്നും അദ്ദേഹം പറഞ്ഞു.

ഇതേസമയം  സിബിസിഐ പ്രസിഡന്റിന്റെ പ്രസ്താവനയെ  രൂക്ഷമായ ഭാഷയിൽ വിമർശിച്ച്  അൽമായ മുന്നേറ്റം രംഗത്തെത്തി . 

അവിടെ ക്രൈസ്തവരെ അവഗണിക്കുന്നത് ഭൂരിപക്ഷമാണെങ്കിൽ കേരളത്തിൽ എൽഡിഎഫ്, യു ഡി എഫ് സർക്കാരുകളാണ് അവഗണിക്കുന്നത്." ഈ വാചകം നമ്മൾ കേട്ടിട്ടുള്ളത് സംഘപരിവാർ ഹാൻഡിലുകളിൽ നിന്ന് മാത്രമാണ്. കേരളത്തിൽ എൽഡിഎഫ് | യുഡിഎഫ് സർക്കാരുകൾക്കെതിരെ വർഗീയ ധ്രുവീകരണം നടത്താനുള്ള ശ്രമങ്ങൾ നമ്മൾ കണ്ടതാണ്. എസ്എൻഡിപി ആസ്ഥാനവും, എൻഎസ്എസ് ആസ്ഥാനവും അതിന് വേദിയായതും നമ്മൾ കണ്ടു. അതിന്റെ തുടർച്ചയായി മാത്രമേ ആൻഡ്രൂസ് താഴത്ത് മെത്രാന്റെ പ്രസ്താവനയെ കാണാനാവൂ. സി ബി സി ഐ  പ്രസിഡന്റ് എന്ന സ്ഥാനത്തിരുന്ന് അദ്ദേഹം നടത്തിയ പ്രസ്താവനയോട് യോജിക്കുന്നുണ്ടോ എന്ന്ഭാ രത കത്തോലിക്കാ മെത്രാൻ സമിതി വ്യക്തമാക്കണം.

പോപ്പുലർ ഫ്രണ്ട് എന്ന മുസ്ലിം സംഘടന സീറോ മലബാർ സഭയിൽ പിളർപ്പുണ്ടാക്കാൻ ശ്രമിച്ചു എന്ന ആരോപണം അത്ര നിസാരമായ ഒന്നല്ല. ഇന്ത്യയിലെ ക്രൈസ്തവ സഭകളുടെ അധ്യക്ഷൻ മറ്റൊരു പ്രബല സമുദായത്തിനെതിരെ ആധികാരികമായി ഉന്നയിക്കുന്ന ഗൗരവതരമായ ആരോപണമാണത്. അൽമായ മുന്നേറ്റം അതിനെ ഗൗരവത്തോടെ കാണുന്നു. ഉത്തരവാദിത്തപ്പെട്ട സ്ഥാനത്തിരുന്നു കൊണ്ട് ദീപിക പത്രത്തിന് നൽകിയ അഭിമുഖത്തിൽ പറഞ്ഞ ഈ കാര്യങ്ങൾ പൂർണ്ണമായി വെളിപ്പെടുത്താൻ അദ്ദേഹത്തിന് ബാധ്യതയുണ്ട്. പോപ്പുലർ ഫ്രണ്ടിനെ റെയ്ഡ് ചെയ്ത ഒരുദ്യോഗസ്ഥൻ പറഞ്ഞു എന്ന ഒഴുക്കൻ മറുപടി പോരാ. ഉദ്യോഗസ്ഥന്റെ പേരും പോപ്പുലർ ഫ്രണ്ട് ആരുവഴി എങ്ങിനെ ശ്രമിച്ചു എന്ന കാര്യവും വ്യക്തമാക്കണം. അല്ലാത്ത പക്ഷം വർഗീയ സ്പർദ്ധ  ഉണ്ടാക്കാൻ വേണ്ടിയുള്ള മനപ്പൂർവ്വമായ ഒരു ശ്രമം മാത്രമായേ ഇതിനെ കാണാനാവൂ.

കേരളത്തിലെ എസ്എൻഡിപി യോഗം പ്രസിഡന്റ് വെള്ളാപ്പിള്ളി നടേശനും സി ബി സി ഐ പ്രസിഡന്റ്  മാർ ആൻഡ്രൂസ് താഴത്തും ഒരേ ഭാഷയിൽ സംസാരിക്കുന്നത് ആശങ്കയുയർത്തുന്നതാണ്. പ്രത്യേകിച്ച് കഴിഞ്ഞ പാർലമെന്റ് തിരഞ്ഞെടുപ്പിൽ ബി ജെ പി സ്ഥാനാർത്ഥിയായിരുന്ന സുരേഷ് ഗോപിയെ തൃശൂരിൽ വിജയിപ്പിക്കാൻ മാർ ആൻഡ്രൂസ് താഴത്ത് ശ്രമിച്ചിരിന്നു എന്ന വസ്തുത പുറത്തു വന്ന സാഹചര്യത്തിൽ. മാൻ താഴത്ത് സിബിസിഐ പ്രസിഡന്റായ കാലഘട്ടത്തിലാണ് ഇന്ത്യയിൽ ക്രൈസ്തവർക്ക് നേരേയുള്ള ആക്രമണങ്ങൾ ക്രമാതീതമായി വർധിച്ചത്.

സിബിസിഐയുടെത് വെറും ബാലിശമായ പ്രകടനമായിരുന്നു. ക്രിയാത്മകമായ ഒരിടപെടൽ പോലും സി ബി സി ഐ യുടെ ഭാഗത്ത് നിന്നുണ്ടായില്ല എന്നത് ഖേദകരമാണ്. "പെന്തക്കൊസ്തുകാരുടെ ആക്ഷനാണ് പലപ്പോഴും പ്രകോപനങ്ങൾ ഉണ്ടാക്കുന്നത് " എന്ന പ്രസ്താവനയിൽ നിറഞ്ഞു നിൽക്കുന്നത് സംഘപരിവാറിന്റെ ഭാഷയാണ്. ഒരു സി ബി സി ഐ പ്രസിഡന്റിന്റെ വായിൽ നിന്നും വരാൻ പാടില്ലാത്തതാണ്. സ്വന്തം സഹോദരങ്ങൾ ആക്രമിക്കപ്പെടുമ്പോഴും സംഘ പരിവാരത്തെ ന്യായീകരിക്കാനുള്ള വ്യഗ്രത ഈ വാചകങ്ങളിൽ നിറഞ്ഞു നിൽക്കുന്നുണ്ട്. കർത്താവിനെ ഒറ്റിക്കൊടുത്ത യൂദാസിനെയാണ് ഈ വാചകം വായിക്കുമ്പോൾ ഓർമ്മ വരുന്നത്. 

വരാൻ പോകുന്ന നിയമസഭാതിരഞ്ഞെടുപ്പിൽ സംഘപരിവാരത്തെ സഹായിക്കാൻ, സംഘപരിവാർ ഏജന്റ് ആയിരുന്നുകൊണ്ട് കേരളത്തിൽ ഹിന്ദു-മുസ്ലിം സംഘർഷമുണ്ടാക്കാനുള്ള വഴിമരുന്ന് ഇടാനുള്ള മാർ ആൻ ഡ്റൂസിന്റെ നീക്കം കേരള പൊതുസമൂഹം തികഞ്ഞ അവജ്ഞയോടെ തള്ളിക്കളയണമെന്ന് അല്മായ മുന്നേറ്റം അഭ്യർത്ഥിക്കുന്നു.

ഒന്നുകിൽ ആൻഡ്രൂസ് മെത്രാൻ കേരളത്തിന്റെ പൊതു സമക്ഷത്തിൽ തെളിവു സഹിതം കാര്യങ്ങൾ തുറന്നു പറയണം. അല്ലെങ്കിൽ പ്രസ്താവന പിൻവലിച്ച് മാപ്പു പറയണമെന്നും അൽമായ മുന്നേറ്റം ആവശ്യപ്പെട്ടു.