കോഴിക്കോട്: രാജ്യം പ​ത്മ​ഭൂ​ഷ​ൺ ബ​ഹു​മ​തി​ പ്രഖ്യാപിച്ചതിന് പിന്നാലെ എ​സ്.​എ​ൻ.​ഡി.​പി യോ​ഗം ജ​ന​റ​ൽ സെ​ക്ര​ട്ട​റി വെ​ള്ളാ​പ്പ​ള്ളി ന​​ടേ​ശ​ന്‍റെ പ​ത്മ​ഭൂ​ഷ​നെ കുറിച്ച് പരാമർശമുള്ള വിഡിയോ പുറത്ത്. പ​ത്മ​ഭൂ​ഷ​ൺ കാശ് കൊടുത്താൽ കിട്ടുന്നതാണെന്ന ഇന്ത്യൻ എക്സ്പ്രസിന്  നൽകിയ അഭിമുഖത്തിലെ പരാമർശമാണ് സമൂഹമാധ്യമങ്ങളിൽ വ്യാപകമായി പ്രചരിക്കുന്നത്.

പത്മഭൂഷൺ നൽകിയാൽ സ്വീകരിക്കുമോയെന്ന് ചോദ്യത്തിന് എനിക്ക് വേണ്ട എന്നായിരുന്നു വെള്ളാപ്പള്ളിയുടെ പെട്ടെന്നുള്ള മറുപടി. "പത്മഭൂഷന് വല്ല വിലയുമുണ്ടോ? അത് കാശ് കൊടുത്താൽ കിട്ടുന്ന സാമാനമായി മാറിയില്ലേ. അതിനൊക്കെ അന്തസുണ്ടായിരുന്ന ഒരു കാലമുണ്ടായിരുന്നു. ഇപ്പൊ പത്മഭൂഷനൊക്കെ ഏത് പട്ടിയ്ക്ക് വേണം. തരാമെന്ന് പറഞ്ഞാലും ഞാൻ മേടിക്കത്തില്ല." എന്നായിരുന്നു അഭിമുഖത്തിലെ വെള്ളാപ്പള്ളിയുടെ പരാമർശം.

അതേസമയം, റിപ്പബ്ലിക് ദിനത്തിന് തലേന്ന് പ​ത്മ​ഭൂ​ഷ​ൺ പ്രഖ്യാപിച്ചതിന് പിന്നാലെ താ​ൻ അ​വാ‌‌‌​ർ‌​ഡു​ക​ളൊ​ന്നും ഇ​ഷ്ട​പ്പെ​ടു​ന്ന​യാ​ള​ല്ലെന്നും ലഭിച്ചതിൽ സന്തോഷമുണ്ടന്നുമാണ് വെള്ളാപ്പള്ളി പ്രതികരിച്ചത്. രാ​ജ്യ​ത്തി​ന്‍റെ ആ​ദ​ര​വാ​യി ജ​ന​ങ്ങ​ൾ ത​ന്ന പു​ര​സ്കാ​രം ത​ന്നെ താ​നാ​ക്കി മാ​റ്റി​യ സ​മു​ദാ​യാം​ഗ​ങ്ങ​ൾ​ക്കും ഗു​രു​വി​നും സ​മ​ർ​പ്പി​ക്കു​ന്നുവെന്നും വെള്ളാപ്പള്ളി പറഞ്ഞു.