2025-26 സീസണിലെ ഫിലാഡൽഫിയ ഈഗിൾസും ഡാളസ് കൗബോയ്‌സും തമ്മിലുള്ള ആദ്യ മത്സരം തുടങ്ങിയ ഉടൻ തന്നെ വലിയ വിവാദത്തിന് തിരികൊളുത്തി. കളിയുടെ തുടക്കത്തിൽ തന്നെ ഈഗിൾസ് ഡിഫൻസീവ് ടാക്കിൾ ജെയ്‌ലൻ കാർട്ടർ കൗബോയ്‌സ് ക്വാർട്ടർബാക്ക് ഡാക് പ്രെസ്‌കോട്ടിന് നേരെ തുപ്പിയെന്ന ആരോപണത്തെ തുടർന്ന് പുറത്തായി. ഇത് കളിയുടെ ഫലത്തെ എങ്ങനെ ബാധിക്കുമെന്നതിനെക്കുറിച്ച് ആളുകൾക്കിടയിൽ വലിയ ചർച്ചയായി മാറിയിരിക്കുകയാണ് .

ഗെയിമിൻ്റെ ആദ്യ കിക്കോഫിന് പിന്നാലെ കൗബോയ്‌സ് ഹഡിലിനടുത്തേക്ക് വന്ന കാർട്ടർ പ്രെസ്‌കോട്ടും തമ്മിൽ വാക്കുതർക്കമുണ്ടായി. ഇതിനിടെ കാർട്ടർ പ്രെസ്‌കോട്ടിന് നേരെ തുപ്പുന്നത് ദൃശ്യങ്ങളിൽ കണ്ടതിനെ തുടർന്ന് അൺസ്‌പോർട്‌സ്‌മാൻലൈക്ക് കണ്ടക്റ്റ് പെനാൽറ്റി ലഭിക്കുകയും കാർട്ടറെ കളിയിൽ നിന്ന് പുറത്താക്കുകയും ചെയ്തു. സംഭവം ശ്രദ്ധയിൽപ്പെട്ടതോടെ മുൻ സൂപ്പർ ബൗൾ ചാമ്പ്യനും ഇഎസ്പിഎൻ അനലിസ്റ്റുമായ റയാൻ ക്ലാർക്ക് എക്സിലൂടെ കാർട്ടറുടെ നടപടിയെ രൂക്ഷമായി വിമർശിച്ചു. "ജെയ്‌ലൻ കാർട്ടർ, നീ കാര്യമായി പറഞ്ഞതാണോ? അനാദരവാണ്, അറപ്പുളവാക്കുന്ന കാര്യങ്ങൾ" എന്ന് അദ്ദേഹം കുറിച്ചു. കാർട്ടറുടെ ഈ വിവേകമില്ലായ്മ കാരണം ടീമിന് കളിയിൽ തോൽവി നേരിടേണ്ടി വരുമെന്നും ക്ലാർക്ക് കൂട്ടിച്ചേർത്തു.

എന്നാൽ, പിന്നീട് പുറത്തുവന്ന ഫൂട്ടേജുകളിൽ പ്രെസ്‌കോട്ടാണ് ആദ്യം ഈഗിൾസ് ഡിഫൻസിന് നേരെ തുപ്പിയതെന്നും, അതിന് മറുപടിയായി കാർട്ടർ പ്രതികരിച്ചതാണെന്നും വ്യക്തമായി. പ്രെസ്‌കോട്ടിന്റെ തുപ്പൽ ഈഗിൾസ് താരങ്ങളെ നേരിട്ട് ഏൽക്കാത്തതിനാൽ അദ്ദേഹത്തിനെതിരെ നടപടിയെടുത്തില്ല. ഇതോടെ ഈഗിൾസിന്റെ ഏറ്റവും മികച്ച പ്രതിരോധ താരത്തെ കളിയിൽ നിന്ന് പുറത്താക്കാൻ പ്രെസ്‌കോട്ടിന് സാധിച്ചു. കഴിഞ്ഞ സീസണിൽ ഓൾ-റൂക്കി ടീമിലും സെക്കൻഡ്-ടീം ഓൾ-പ്രോ ഓണറിലും ഇടം നേടിയ കാർട്ടറുടെ ഈ വികാരപരമായ പ്രതികരണം ടീമിന് തിരിച്ചടിയായി.

English summary:

 Super Bowl Champion Ryan Clark slams Jalen Carter after Eagles star is ejected against Cowboys