യുവ നേതാവ് രാഹുൽ മാങ്കൂട്ടത്തിലിന് മുൻകൂർ ജാമ്യം നിഷേധിച്ച സെഷൻസ് കോടതി വിധിയിൽ സന്തോഷം അറിയിച്ച് പീഡന പരാതി നൽകിയ അതിജീവിത. മുഖ്യമന്ത്രിക്ക് ആദ്യമായി പരാതി നൽകിയ അതിജീവിത, സമൂഹമാധ്യമത്തിലൂടെയാണ് തൻ്റെ പ്രതികരണം അറിയിച്ചത്.രാഹുൽ മാങ്കൂട്ടത്തിലിനെ കോൺഗ്രസ് പാർട്ടിയിൽ നിന്ന് പുറത്താക്കിയ നടപടിയിൽ പ്രതികരിച്ച് നടി റിനി ആൻ ജോർജ് രംഗത്തെത്തി. അതിജീവിതകളുടെ സന്തോഷത്തിൽ പങ്കുചേരുന്നുവെന്നും സഹോദരിമാർക്ക് നീതി നൽകാൻ നിമിത്തമായതിൽ സന്തോഷമുണ്ടെന്നും റിനി മാധ്യമങ്ങളോട് പറഞ്ഞു.

"സ്ത്രീപക്ഷ നടപടി സ്വീകരിച്ചതിന് പാർട്ടിയോട് നന്ദി അറിയിക്കുന്നു. ഒരുപാട് സൈബർ അറ്റാക്ക് നേരിട്ടിരുന്നു. ഇപ്പോൾ കോടതി എല്ലാം സത്യമാണെന്ന് പറഞ്ഞു. എൻ്റെ സഹോദരിമാർക്ക് നീതി നൽകാൻ നിമിത്തമായതിൽ സന്തോഷിക്കുന്നു," റിനി ആൻ ജോർജ് കൂട്ടിച്ചേർത്തു. അതേസമയം, അതിജീവിതയ്ക്ക് നേരെ സൈബർ ആക്രമണം തുടരുന്ന സാഹചര്യത്തിൽ പോലീസ് ഇതുവരെ 36 കേസുകൾ രജിസ്റ്റർ ചെയ്തു. സമൂഹ മാധ്യമങ്ങളിലെ പോസ്റ്റുകളിൽ അതിജീവിതയെ അപമാനിക്കുന്ന തരത്തിൽ കമന്റിടുന്നവർക്ക് എതിരെയും ശക്തമായ നടപടി സ്വീകരിക്കുന്നുണ്ട്.

English summary:

Satyameva Jayate' responded the survivor; 'This is the victory of truth' - Actress Rini Ann George shares delight in the verdict