അഹമ്മദാബാദ്: സർദാർ വല്ലഭായ് പട്ടേൽ അന്താരാഷ്ട്ര വിമാനത്താവളത്തിൽ നിന്ന് പറന്നുയർന്ന് മിനിറ്റുകൾക്കകം തകർന്നുവീണ എയർ ഇന്ത്യ വിമാനത്തിൽ നിന്ന് 'മേയ് ഡേ' സന്ദേശം ലഭിച്ചതായി അധികൃതർ അറിയിച്ചു. ലണ്ടനിലേക്ക് പുറപ്പെട്ട വിമാനം തകരുന്നതിന് ഏതാനും നിമിഷങ്ങൾക്ക് മുമ്പാണ് പൈലറ്റുമാർ അടിയന്തര സാഹചര്യങ്ങളിൽ ഉപയോഗിക്കുന്ന ഈ അപായ സൂചനാ സന്ദേശം നൽകിയത്.

സിവിൽ വ്യോമയാന ഡയറക്ടറേറ്റ് പുറത്തിറക്കിയ പ്രസ്താവന പ്രകാരം, എയർ ട്രാഫിക് കൺട്രോളിൽ നിന്ന് വിമാനത്തിന് മറുപടി നൽകാൻ സാധിച്ചില്ല. മറുപടി ലഭിക്കുന്നതിന് മുമ്പ് തന്നെ വിമാനം തകർന്നിട്ടുണ്ടാവാമെന്നാണ് പ്രാഥമിക നിഗമനം.

വിമാനങ്ങളും എയർ ട്രാഫിക് കൺട്രോൾ ടവറുകളും തമ്മിലുള്ള റേഡിയോ ആശയവിനിമയത്തിൽ ഉപയോഗിക്കുന്ന ആഗോളതലത്തിൽ അംഗീകരിക്കപ്പെട്ട അപായ സൂചനാ സന്ദേശമാണ് 'മേയ് ഡേ'. ജീവൻ അപകടത്തിലാക്കുന്ന അത്യന്തം ഗുരുതരമായ ഒരു സാഹചര്യത്തിൽ സഹായം അഭ്യർത്ഥിക്കാനാണ് ഇത് ഉപയോഗിക്കുന്നത്.

English summary:

Ahmedabad plane crash: Pilot's 'Mayday' message received just before the crash; was unable to respond to air traffic control.