സമരക്കാർക്ക് നൽകിയ വാഗ്ദാനം പാലിച്ച് വിവിധ അധ്യാപക തസ്തികകളിലെ പിഎസ്‌സി റാങ്ക് ലിസ്റ്റുകളുടെ കാലാവധി ആറുമാസം കൂടി നീട്ടി നൽകാൻ സർക്കാർ തീരുമാനം. മന്ത്രിസഭാ യോഗത്തിന് ശേഷം മാധ്യമങ്ങളെ കണ്ടപ്പോഴാണ് മുഖ്യമന്ത്രി വി.ഡി. സതീശൻ ഈ നിർണായക പ്രഖ്യാപനം നടത്തിയത്. ഉദ്യോഗാർത്ഥികളുടെ ആശങ്കകൾ പരിഹരിക്കുന്നതിന്റെ ഭാഗമായി 18 അധ്യാപക തസ്തികകളിലെ റാങ്ക് ലിസ്റ്റുകളാണ് നിലവിൽ ദീർഘിപ്പിച്ചിരിക്കുന്നത്.

2026 സെപ്റ്റംബർ മുതൽ നവംബർ വരെയുള്ള മാസങ്ങളിൽ കാലാവധി അവസാനിക്കേണ്ട പട്ടികകൾക്കാണ് ഈ ഇളവ് ബാധകമാവുക. ഉദ്യോഗാർത്ഥികളുടെ ഭാഗത്തുനിന്നും ശക്തമായ ആവശ്യങ്ങളും സമരങ്ങളും ഉയർന്നുവന്ന പശ്ചാത്തലത്തിലാണ് സർക്കാർ ഈ അനുകൂല നടപടി സ്വീകരിച്ചിരിക്കുന്നത്.