അമേരിക്കയിലെ ഒറിഗൺ സംസ്ഥാനത്ത് പടർന്നു പിടിച്ച കാട്ടുതീ അതീവ രൂക്ഷമായി തുടരുന്നു. സംസ്ഥാനത്തുടനീളമുള്ള നിരവധി കാട്ടുതീകളിൽ ഇതുവരെ ഒരു മില്യൺ ഏക്കർ ഭൂമി കത്തിനശിച്ചതായി അധികൃതർ അറിയിച്ചു.

ആയിരക്കണക്കിന് ആളുകൾക്ക് അടിയന്തര ഒഴിപ്പിക്കൽ നിർദേശം നൽകിയിട്ടുണ്ട്.

തീപിടിത്തത്തിന്റെ ആഘാതത്തിൽ ഇന്റർസ്റ്റേറ്റ് 84 ദേശീയപാതയുടെ ഏകദേശം 70 മൈൽ ദൂരമുള്ള ഭാഗം അടച്ചിരിക്കുകയാണ്. ശക്തമായ കാറ്റ്, അതിശക്തമായ ചൂട്, വരണ്ട കാലാവസ്ഥ എന്നിവ തീ അതിവേഗം പടരാൻ കാരണമായതായി അധികൃതർ വ്യക്തമാക്കി.

സംസ്ഥാനത്ത് നിരവധി കാട്ടുതീകൾ ഇപ്പോഴും നിയന്ത്രണവിധേയമായിട്ടില്ല. അഗ്നിശമന സേനാംഗങ്ങൾ  രാവും പകലും പരിശ്രമിക്കുമ്പോൾ, കൂടുതൽ മിന്നലോടുകൂടിയ കാലാവസ്ഥയ്ക്ക് സാധ്യതയുള്ളതിനാൽ സ്ഥിതിഗതികൾ കൂടുതൽ വഷളാകുമെന്ന ആശങ്കയും നിലനിൽക്കുന്നു.

1 million acres burnt in Oregon wildfire