ന്യൂഡൽഹി:  ഫ്രാൻസിൽ ജൂൺ 17 ന്  നടക്കുന്ന ജി 7 ഉച്ചകോടിക്കിടെ പ്രധാനമന്ത്രി നരേന്ദ്ര മോദിയും യുഎസ് പ്രസിഡന്റ് ഡൊണാൾഡ് ട്രംപും ഉഭയകക്ഷി ചർച്ച നടത്തുമെന്ന് വൈറ്റ് ഹൗസ് സ്ഥിരീകരിച്ചു.

2024 നവംബറിലെ യുഎസ് പ്രസിഡന്റ് തിരഞ്ഞെടുപ്പിൽ വിജയിച്ചതിന് ശേഷം പ്രധാനമന്ത്രി മോദി പ്രസിഡന്റ് ട്രംപിനെ 2025 ഫെബ്രുവരിയിൽ സന്ദർശിച്ചിരുന്നു. ഇതിന് ശേഷം ഇരു നേതാക്കളും തമ്മിലുള്ള ആദ്യ മുഖാമുഖ കൂടിക്കാഴ്ചയായിരിക്കും ഇത്.

ഫ്രഞ്ച് പ്രസിഡന്റ് ഇമ്മാനുവൽ മാക്രോണിന്റെ ക്ഷണപ്രകാരം ജൂൺ 16-17 തീയതികളിൽ നടക്കുന്ന ജി7 ഉച്ചകോടിയിൽ പ്രധാനമന്ത്രി മോദി പങ്കെടുക്കും . ഉച്ചകോടിയിൽ, ആഗോള പങ്കാളിത്തം, സുസ്ഥിര സാമ്പത്തിക വളർച്ച, കൃത്രിമബുദ്ധിയുടെ സുരക്ഷിതമായ വിന്യാസം എന്നിവയുൾപ്പെടെ നിരവധി വിഷയങ്ങളിൽ ജി7 നേതാക്കൾ, പങ്കാളി രാജ്യങ്ങൾ, അന്താരാഷ്ട്ര സംഘടനകൾ എന്നിവരുമായി അദ്ദേഹം ഇടപഴകുമെന്ന് പ്രതീക്ഷിക്കുന്നു