വാഷിംഗ്ടണ്‍ ഡി.സി: 2026 ജൂണ്‍ 8-ന്, ന്യായസഭ വകുപ്പ് രാജ്യവ്യാപകമായി കോടതികളില്‍ 17 നാഷണലൈസ് ചെയ്ത യുഎസ് പൗരന്മാരുടെ നാഗരികാവകാശങ്ങള്‍ റദ്ദാക്കുന്നതിനുള്ള നടപടികള്‍ തുടങ്ങി, കുട്ടികള്‍ക്കെതിരെയുള്ള ലൈംഗിക അതിക്രമങ്ങള്‍, കോടിക്കണക്കിന് ഡോളറിന്റെ സാമ്പത്തിക തട്ടിപ്പുകള്‍ എന്നിവയുള്‍പ്പെടെയുള്ള ഗുരുതരമായ കുറ്റകൃത്യങ്ങളില്‍ ഏര്‍പ്പെട്ട 17 പ്രവാസി പൗരന്മാരുടെ പൗരത്വം റദ്ദാക്കാനാണ് സര്‍ക്കാര്‍ രാജ്യവ്യാപകമായി കോടതികളെ സമീപിച്ചിരിക്കുന്നത്. മുന്‍ ഭരണകൂടങ്ങളെ അപേക്ഷിച്ച് കുടിയേറ്റ നിയമങ്ങള്‍ കൂടുതല്‍ കര്‍ശനമാക്കുന്നതിന്റെ ഭാഗമായാണ് ഈ നടപടി.

റദ്ദാക്കല്‍ നടപടി നേരിടുന്നവരില്‍ ഇന്ത്യാക്കാര്‍ക്ക് പുറമെ ക്യൂബ, ചൈന, മെക്‌സിക്കോ, സൊമാലിയ, കൊളംബിയ തുടങ്ങിയ രാജ്യങ്ങളില്‍ നിന്നുള്ളവരും ഉള്‍പ്പെടുന്നു. 250 മില്യണ്‍ ഡോളറിന്റെ സര്‍ക്കാര്‍ ഫണ്ട് തട്ടിപ്പ് നടത്തിയ സോമാലി സ്വദേശിയും, 36 മില്യണ്‍ ഡോളറിലധികം ഇന്‍ഷുറന്‍സ് തട്ടിപ്പ് നടത്തിയ ക്യൂബന്‍ സ്വദേശിയും ഇതില്‍ പെടുന്നു.

പൗരത്വം ലഭിക്കുന്നതിന് മുന്‍പോ ശേഷമോ ഉള്ള കുട്ടികള്‍ക്കെതിരായ ലൈംഗിക അതിക്രമങ്ങള്‍, മയക്കുമരുന്ന് കടത്ത്, സാമ്പത്തിക തട്ടിപ്പുകള്‍, വ്യാജ വിവാഹങ്ങള്‍, വിവരങ്ങള്‍ മറച്ചുവെക്കല്‍ എന്നിവയാണ് പ്രതികള്‍ക്കെതിരെയുള്ള കുറ്റങ്ങള്‍.

പൗരത്വം റദ്ദാക്കപ്പെടുന്നവര്‍ തിരികെ അവരുടെ പഴയ ഇമിഗ്രേഷന്‍ പദവിയിലേക്ക് (ഗ്രീന്‍ കാര്‍ഡ്/പെര്‍മനന്റ് റെസിഡന്‍സി) മാറേണ്ടി വരികയോ, അല്ലെങ്കില്‍ രാജ്യത്ത് നിന്ന് നാടുകടത്തല്‍ നടപടികള്‍ നേരിടേണ്ടി വരികയോ ചെയ്യും.

അതേസമയം, ഇത്രയും വലിയ തോതില്‍ പൗരത്വം റദ്ദാക്കുന്നത് വലിയ നിയമപോരാട്ടങ്ങള്‍ക്കും ഭരണഘടനാപരമായ വെല്ലുവിളികള്‍ക്കും വഴിവെച്ചേക്കാമെന്ന് നിയമവിദഗ്ധര്‍ ചൂണ്ടിക്കാണിക്കുന്നു.