അഹമ്മദാബാദ്: ഗുജറാത്ത് തദ്ദേശഭരണ തെരഞ്ഞെടുപ്പിൽ ബിജെപിക്ക് വൻ വിജയം. നഗരസഭകളിൽ ആംആദ്മി പാർട്ടിക്കും കോൺ​ഗ്രസിനും തിരിച്ചടിയേറ്റു. സംസ്ഥാനത്തെ എല്ലാ കോർപ്പറേഷനുകളിലും ബിജെപി മുന്നിലാണ്. ബിജെപി ഏകപക്ഷീയമായി തൂത്തുവാരുമെന്നാണ് ആദ്യഘട്ട സൂചന. മിക്ക ജില്ലകളിലും താലൂക്ക് പഞ്ചായത്തുകളിലും അവരുടെ സ്ഥാനാർത്ഥികൾ മുന്നിലാണ്. സൂറത്തിൽ കഴിഞ്ഞ തവണ നഷ്ടപ്പെട്ട സീറ്റുകൾ തിരിച്ചു പിടിച്ചു.

സംസ്ഥാനത്തെ നാല് പ്രധാന മുനിസിപ്പൽ കോർപ്പറേഷനുകളായ അഹമ്മദാബാദ്, സൂറത്ത്, വഡോദര, രാജ്കോട്ട് എന്നിവിടങ്ങളിൽ ബിജെപി വ്യക്തമായ ലീഡ് നേടുന്നതായി ആദ്യ ട്രെൻഡുകൾ സൂചിപ്പിക്കുന്നു.
പലയിടത്തും ആം ആദ്മി പാർട്ടി ബിജെപിക്ക് വെല്ലുവിളിയാകുന്നു.

അതേസമയം, കോൺ​ഗ്രസ് സ്വാധീനമുറപ്പിക്കാനായി പൊരുതുന്നുണ്ട്. സംസ്ഥാനത്തെ ഏറ്റവും വലിയ മുനിസിപ്പൽ കോർപ്പറേഷനായ അഹമ്മദാബാദിൽ ബിജെപി വ്യക്തമായ ലീഡോടെ മുന്നേറുകയാണ്.