മിഷിഗണ്‍ : അമേരിക്കയിലെ മിഡ്വെസ്റ്റ് മേഖലയില്‍ പ്രവര്‍ത്തിക്കുന്ന സൂപ്പര്‍മാര്‍ക്കറ്റ് ശൃംഖലയായ മെയ്യര്‍, തങ്ങളുടെ 38,000-ത്തിലധികം ഗാലന്‍ ഡിസ്റ്റില്‍ഡ് വാട്ടര്‍  തിരികെ വിളിച്ചു. വെള്ളത്തില്‍ കറുത്ത നിറത്തിലുള്ള അന്യവസ്തുക്കള്‍ ഒഴുകിനടക്കുന്നതായി കണ്ടെത്തിയതിനെത്തുടര്‍ന്നാണ് നടപടി.

താഴെ പറയുന്ന അടയാളങ്ങളുള്ള ഉല്‍പ്പന്നങ്ങളാണ് തിരിച്ചെടുക്കുന്നത്:

അടയാളം: ചുവന്ന പ്ലാസ്റ്റിക് അടപ്പുള്ള ഒരു ഗാലന്‍ കാനുകള്‍.

സെല്‍ ബൈ ഡേറ്റ് (Sell by date): Oct. 4, 2026.

ലോട്ട് കോഡ് (Lot Code): 39-222 #3.

പ്രധാന സ്റ്റേറ്റുകള്‍: ഇല്ലിനോയിസ്, ഇന്ത്യാന, കെന്റക്കി, ഒഹായോ, മിഷിഗണ്‍, വിസ്‌കോണ്‍സിന്‍.

ഫുഡ് ആന്‍ഡ് ഡ്രഗ് അഡ്മിനിസ്‌ട്രേഷന്‍ (FDA) ആണ് ഈ വിവരം പുറത്തുവിട്ടത്. ചിക്കാഗോ സബര്‍ബുകളിലും നോര്‍ത്ത് വെസ്റ്റ് ഇന്ത്യാനയിലും ഉള്‍പ്പെടെ നൂറുകണക്കിന് സ്റ്റോറുകള്‍ മെയ്യര്‍ ഗ്രൂപ്പിനുണ്ട്. ഈ ബാച്ചില്‍പ്പെട്ട വെള്ളം വാങ്ങിയിട്ടുള്ള ഉപഭോക്താക്കള്‍ അത് ഉപയോഗിക്കരുതെന്നും സ്റ്റോറുകളില്‍ തിരികെ നല്‍കണമെന്നും നിര്‍ദ്ദേശമുണ്ട്.