ഹരിയാന കേഡറിലെ മുതിർന്ന ഐ.പി.എസ്. ഉദ്യോഗസ്ഥനും എ.ഡി.ജി.പി.യുമായ പുരൻ കുമാറിനെ (2001 ബാച്ച്) ചണ്ഡീഗഡിലെ വസതിയിൽ മരിച്ച നിലയിൽ കണ്ടെത്തി. സർവീസ് റിവോൾവർ ഉപയോഗിച്ച് സ്വയം വെടിയുതിർത്ത് ജീവനൊടുക്കിയതായാണ് പ്രാഥമിക നിഗമനം.

ചണ്ഡീഗഡിലെ സെക്ടർ 11-ലെ 116-ാം നമ്പർ വീട്ടിൽ നിന്ന് ഇന്ന് ഉച്ചയ്ക്ക് 1.30-ഓടെയാണ് വിവരം ലഭിച്ചതെന്ന് ചണ്ഡീഗഡ് സീനിയർ പോലീസ് സൂപ്രണ്ട് കൻവർദീപ് കൗർ അറിയിച്ചു. "ഹരിയാന കേഡറിലെ 2001 ബാച്ച് ഉദ്യോഗസ്ഥനാണ് മരിച്ചത്. പോലീസ് സംഘം സ്ഥലത്തുണ്ട്. അന്വേഷണം പുരോഗമിക്കുകയാണ്," അവർ വ്യക്തമാക്കി.

വീടിൻ്റെ ബേസ്‌മെൻ്റിൽ മകളാണ് പുരൻ കുമാറിൻ്റെ മൃതദേഹം ആദ്യം കണ്ടെത്തിയത്. സംഭവ സമയം പുരൻ കുമാറിൻ്റെ ഭാര്യയും മുതിർന്ന ഐ.എ.എസ്. ഉദ്യോഗസ്ഥയുമായ അമ്നീത് പി. കുമാർ ഔദ്യോഗിക സന്ദർശനത്തിനായി ജപ്പാനിലാണ്. സംഭവത്തിൽ പോലീസ് വിശദമായ അന്വേഷണം നടത്തുമെന്ന് എസ്.പി. കൻവർദീപ് കൗർ അറിയിച്ചു.

English summary:

Haryana ADGP found dead with gunshot wounds; preliminary investigation suggests suicide.