ഹൂസ്റ്റണ്‍:  ഹൂസ്റ്റണ്‍ പോലീസ് ഡിപ്പാര്‍ട്ട്മെന്റിന്റെ പുതിയ മേധാവിയായി  ജെ.നോ ഡയസിനെ മേയര്‍ ജോണ്‍ വിറ്റ്മയര്‍  നിയമിച്ചു. വെള്ളിയാഴ്ച രാവിലെ 11 മണിക്ക് ഹൂസ്റ്റണ്‍ സിറ്റി ഹാളില്‍ നടക്കുന്ന വാര്‍ത്താ സമ്മേളനത്തില്‍ ഡയസിനെ പുതിയ പോലീസ് മേധാവിയായി ഔദ്യോഗികമായി അവതരിപ്പിക്കും.

4,000-ലധികം ലൈംഗികാതിക്രമ റിപ്പോര്‍ട്ടുകള്‍ ഉള്‍പ്പെടെ 264,000-ലധികം സംഭവ റിപ്പോര്‍ട്ടുകളുടെ ആഭ്യന്തര അന്വേഷണത്തിനിടയില്‍ മുന്‍ പോലീസ് മേധാവി ട്രോയ് ഫിന്നര്‍ മെയ് മാസത്തില്‍ വിരമിക്കല്‍ പ്രഖ്യാപിച്ചിരുന്നു

'നിര്‍ഭാഗ്യവശാല്‍, അദ്ദേഹം വിരമിക്കാന്‍ തീരുമാനിച്ചു, എന്തുകൊണ്ടാണ് അദ്ദേഹം വിരമിക്കാന്‍ തീരുമാനിച്ചതെന്നറിയില്ല .' കെപിആര്‍സി 2 ഇന്‍വെസ്റ്റിഗേറ്റ്‌സ് റിപ്പോര്‍ട്ടര്‍ മരിയോ ഡയസുമായുള്ള ഒരു പ്രത്യേക അഭിമുഖത്തില്‍ വിറ്റ്മയര്‍ പറഞ്ഞു. '

ഡിപ്പാര്‍ട്ട്മെന്റില്‍ നിന്ന് തന്നെ പുറത്താക്കിയതായി മുന്‍ എച്ച്പിഡി ചീഫ് ഫിന്നര്‍ നടത്തിയ അവകാശവാദങ്ങള്‍ മേയര്‍ വിറ്റ്മയര്‍ നിഷേധിച്ചു.