Image

ആലപ്പുഴയിൽ പക്ഷിപ്പനി ; 26,000 വളർത്തുപക്ഷികളെ കൊന്നു നശിപ്പിക്കും

Published on 17 November, 2026
ആലപ്പുഴയിൽ പക്ഷിപ്പനി ; 26,000 വളർത്തുപക്ഷികളെ കൊന്നു നശിപ്പിക്കും

ആലപ്പുഴ ജില്ലയിലെ അമ്പലപ്പുഴ നോർത്ത്, ചെന്നിത്തല ഗ്രാമപഞ്ചായത്തുകളിൽ പക്ഷിപ്പനി സ്ഥിരീകരിച്ചു. രോഗവ്യാപനം തടയുന്നതിന്റെ ഭാഗമായി ഈ പ്രദേശങ്ങളിലെ 26,000-ത്തോളം വളർത്തുപക്ഷികളെ കൊന്നു നശിപ്പിക്കാൻ തീരുമാനമായി. പക്ഷിപ്പനി സ്ഥിരീകരിച്ച പശ്ചാത്തലത്തിൽ സ്ഥിതിഗതികൾ വിലയിരുത്തുന്നതിനായി ജില്ലാ കളക്ടർ ഷാജി വി. നായരുടെ അധ്യക്ഷതയിൽ കളക്ട്രേറ്റിൽ അടിയന്തര യോഗം ചേർന്നു.

രോഗം റിപ്പോർട്ട് ചെയ്ത മേഖലകളിൽ നിന്ന് ശേഖരിച്ച സാമ്പിളുകൾ പരിശോധിച്ചതിലൂടെ ഏവിയൻ ഇൻഫ്ലുവൻസയുടെ (പക്ഷിപ്പനി) H5N1 വകഭേദമാണ് ബാധിച്ചതെന്ന് സ്ഥിരീകരിച്ചിട്ടുണ്ട്. ദ്രുതകർമ്മസേനയുടെ നേതൃത്വത്തിൽ പക്ഷികളെ കൊന്നൊടുക്കുന്നതിനുള്ള നടപടികൾ പ്രദേശത്ത് ഉടൻ ആരംഭിക്കും. 

നിലവിൽ മനുഷ്യരിലേക്ക് രോഗം പടർന്നിട്ടില്ലെങ്കിലും പൊതുജനങ്ങൾ അതീവ ജാഗ്രത പാലിക്കണമെന്ന് ആരോഗ്യ-മൃഗസംരക്ഷണ വകുപ്പ് അധികൃതർ നിർദ്ദേശിച്ചു

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക