
ന്യൂയോര്ക്: പ്രശസ്ത ബ്രിട്ടീഷ് നടന് റോബര്ട്ട് പാറ്റിന്സണ് അടുത്ത ജെയിംസ് ബോണ്ടായി (007) തിരഞ്ഞെടുക്കപ്പെട്ടു. ഔദ്യോഗിക 007 വെബ്സൈറ്റിലൂടെ ആമസോണ് എംജിഎം സ്റ്റുഡിയോസ് ആണ് തിങ്കളാഴ്ച ഈ വിവരം പുറത്തുവിട്ടത്. ഡാനിയേല് ക്രേയ്ഗിന്
ശേഷമാണ് പാറ്റിന്സണ് ഈ ഐതിഹാസിക വേഷത്തിലെത്തുന്നത്.
സിനിമയിലെ ഏറ്റവും ലെജന്ഡറിയായ കഥാപാത്രത്തെ അവതരിപ്പിക്കാന് അവസരം ലഭിച്ചത് ജീവിതത്തിലെ ഏറ്റവും വലിയ ബഹുമതിയാണെന്ന് 40 കാരനായ പാറ്റിന്സണ് പ്രതികരിച്ചു.
ഫ്രഞ്ച്-കനേഡിയന് സംവിധായകന് ഡെനിസ് വില്ലെനൂവിന്റെ സംവിധാനത്തിലാണ് ബോണ്ട് പരമ്പരയിലെ 26-ാമത് ചിത്രം ഒരുങ്ങുന്നത്.ചരിത്രം: സീരീസിന്റെ ചരിത്രത്തില് ജെയിംസ് ബോണ്ടായി വേഷമിടുന്ന ഏഴാമത്തെ മാത്രം നടനാണ് റോബര്ട്ട് പാറ്റിന്സണ്. ഷാന് കോണറി മുതല് ഡാനിയേല് ക്രെയ്ഗ് വരെയുള്ള ചുരുക്കം ചില താരങ്ങളുടെ നിരയിലേക്കാണ് പാറ്റിന്സണ് എത്തുന്നത്.'ട്വിലൈറ്റ്', 'ദി ബാറ്റ്മാന്' തുടങ്ങിയ ചിത്രങ്ങളിലൂടെ ലോകശ്രേണിയിലുള്ള പാറ്റിന്സണിന്റെ പുതിയ ബോണ്ട് ലുക്ക് ഇതിനോടകം ആരാധകര് ഏറ്റെടുത്തു കഴിഞ്ഞു.