ന്യൂ യോർക്ക് ഫെഡറൽ റിസർവ് ഡയറക്‌ടർ ബോര്ഡിലേക്കു ഇന്ത്യൻ അമേരിക്കൻ ടെക്നോളജി എക്സിക്യൂട്ടീവ് അർവിന്ദ് കൃഷ്ണ വീണ്ടും തിരഞ്ഞെടുക്കപ്പെട്ടു. 2029 ഡിസംബർ 31 വരെ നീളുന്ന മൂന്നു വർഷ നിയമനമാണിത്.

ഐ ബി എം ചെയർമാനും പ്രസിഡന്റും സി ഇ ഓയുമായ കൃഷ്ണ ക്‌ളാസ് ബി ഡയറക്ട്ടറായി തുടരും. പൊതുജനങ്ങളുടെ പ്രതിനിധി എന്ന സ്ഥാനമാണതെന്നു ന്യൂ യോർക്ക് ഫെഡ് പറഞ്ഞു. കൃഷി, വാണിജ്യം, വ്യവസായം തുടങ്ങിയ ആവശ്യങ്ങൾക്കു ജനങ്ങൾക്കു സഹായം നൽകാൻ ഈ ഡയറക്ട്ടർമാർ പ്രവർത്തിക്കും.

ഐ ഐ ടി കാൺപൂർ ബിരുദധാരിയായ കൃഷ്ണ  2022 മുതൽ  ബോർഡ് അംഗമാണ്. യൂണിവേഴ്സിറ്റി ഓഫ് ഇലിനോയ് അർബാചാംപെയ്‌നിൽ നിന്നു ഡോക്ടറേറ്റ് എടുത്തിട്ടുണ്ട്. 2020 ഏപ്രിലിലാണ് ഐ ബി എം ചീഫ് എക്സിക്യൂട്ടീവ് ആയത്.

ഫെഡറൽ റിസർവിന്റെ 12 പ്രാദേശിക ബാങ്കുകൾക്കും 9 അംഗങ്ങളുള്ള ബോർഡുകളുണ്ട്.  

Arvind Krishna wins new New York Fed term