വെള്ളിയാഴ്ച്ച രാജ്യവ്യാപകമായി വിമാന സർവീസുകൾ നിർത്തി വയ്‌ക്കേണ്ടി വന്നതിനു പിന്നിൽ സുരക്ഷാ ഭീഷണിയൊന്നും ഉണ്ടായിരുന്നില്ലെന്നു യുഎസ് ഹോംലാൻഡ് സെക്യൂരിറ്റി സെക്രട്ടറി മാർക്വേയ്‌ൻ മുള്ളിൻ പറഞ്ഞു.

ടെലികമ്മ്യൂണിക്കേഷൻ തകരാറു മൂലമാണ് പ്രശ്നം ഉണ്ടായതെന്ന് അദ്ദേഹം സ്ഥിരീകരിച്ചു. 9/11 ആക്രമണം പോലുള്ള ഭീഷണിയൊന്നും അതിനു പിന്നിൽ ഇല്ല.

"9/11നുമായി ഒരു സാമ്യവുമില്ല," മുള്ളിൻ വൈറ്റ് ഹൗസിൽ റിപ്പോർട്ടർമാരോടു  പറഞ്ഞു. ഒരു സൈബർ ആക്രമണം നടന്നതിന്റെ സൂചനയൊന്നും ലഭിച്ചിട്ടില്ല.

എല്ലാ ഫ്ലൈറ്റുകളും യാത്രക്കാരും സുരക്ഷിതമാണ്.

എഫ് എ എ രാജ്യമൊട്ടാകെ ഫ്ലൈറ്റുകൾ നിർത്തിവച്ചതിന്റെ വിശദാംശങ്ങൾ പ്രസിഡന്റ് ട്രംപിനെ ധരിപ്പിച്ചിട്ടുണ്ട്. ട്രംപ് സജീവമായി പ്രതികരിച്ചു നടപടികൾക്കു ഉത്തരവിട്ടു.

മൈക്രോസോഫ്റ്റിൽ ഉണ്ടായ വ്യാപകമായ പിഴവ് ഈ പ്രശ്നത്തിനു കാരണമായിട്ടില്ലെന്നു മുള്ളിൻ പറഞ്ഞു. "രണ്ടും വ്യത്യസ്തമായ വിഷയങ്ങളാണ്."  

US Homeland Security Secy rules out threat behind nationwide ground stop