തൃശൂര്‍;  സഹോദരങ്ങള്‍ ക്ഷേത്രക്കുളത്തില്‍ മുങ്ങിമരിച്ചു. തൃശൂര്‍ വടക്കേകാട് മണികണ്‌ഠേശ്വരം ഉമാ മഹേശ്വര ക്ഷേത്രക്കുളത്തിലാണ് സംഭവം. ക്ഷേത്രത്തിനു സമീപം ക്വാര്‍ട്ടേഴ്‌സില്‍ താമസിക്കുന്ന കല്ലിങ്കല്‍ മേലേപ്പുര വീട്ടില്‍ പ്രദീപ്-സജിത ദമ്പതികളുടെ മക്കളായ സായിദീപ് (9), സായ്കൃഷ്ണ (7) എന്നിവരാണ് മരിച്ചത്. 

സ്‌കൂള്‍ കഴിഞ്ഞ് വീട്ടിലെത്തിയ കുട്ടികളെ പെട്ടെന്ന് കാണാതാവുകയായിരുന്നു. തുടര്‍ന്ന് നാട്ടുകാര്‍ നടത്തിയ തിരച്ചിലില്‍ ക്ഷേത്രക്കുളത്തിന് സമീപം കുട്ടികളുടെ വസ്ത്രങ്ങള്‍ കാണുകയായിരുന്നു. തുടര്‍ന്നാണ് കുളത്തില്‍ കുട്ടികളെ കണ്ടെത്തിയത്.