അയിരൂരിൽ കുടുംബവഴക്കിനെ തുടർന്ന് ഭർത്താവ് ഭാര്യയെ വെട്ടിക്കൊലപ്പെടുത്തി. തറട്ട താഴെതൊടിയിൽ വീട്ടിൽ സുബിനയാണ് കൊല്ലപ്പെട്ടത്. സംഭവവുമായി ബന്ധപ്പെട്ട് ഭർത്താവ് ഷാജനെ അയിരൂർ പോലീസ് കസ്റ്റഡിയിലെടുത്തു. തിങ്കളാഴ്ച (നവംബർ 1) ഉച്ചയ്ക്ക് മൂന്നുമണിയോടെയാണ് സംഭവം നടന്നത്.

വീട്ടിൽ വെച്ചുണ്ടായ കുടുംബവഴക്കിനെ തുടർന്നാണ് ഷാജൻ സുബിനയെ മാരകായുധം ഉപയോഗിച്ച് ആക്രമിച്ചതെന്ന് പോലീസ് വ്യക്തമാക്കി. സുബിനയുടെ കഴുത്തിനാണ് വെട്ടേറ്റത്. ഇവരുടെ ശരീരത്തിൽ ആറോളം മുറിവുകളുള്ളതായി പോലീസ് അറിയിച്ചു.

 സംഭവത്തിന് പിന്നാലെ അയിരൂർ പോലീസ് സ്ഥലത്തെത്തി ഷാജനെ കസ്റ്റഡിയിലെടുക്കുകയായിരുന്നു. മൃതദേഹം ഇൻക്വസ്റ്റ് നടപടികൾക്ക് ശേഷം ഇൻക്വസ്റ്റ്, പോസ്റ്റ്‌മോർട്ടം നടപടികൾക്കായി മാറ്റി. സംഭവത്തിൽ പോലീസ് അന്വേഷണം നടത്തിവരികയാണ്.