മിഷിഗൺ സെനറ്റ് സ്ഥാനാർഥി അബ്ദുൾ എൽ സായിദ് തീവ്രവാദി സംഘടനയായ മുസ്‌ലിം ബ്രദർഹുഡിൽ അംഗമാണെന്നു പ്രസിഡന്റ് ട്രംപ് ബുധനാഴ്ച്ച ആരോപിച്ചു. ഈജിപ്ഷ്യൻ വംശജനായ സായിദ് ആ ആരോപണം നിഷേധിച്ചിട്ടുണ്ടെങ്കിലും അരിസോണയിൽ റിപ്പോർട്ടർമാരോട് ട്രംപ് അത് ആവർത്തിച്ചു.

"കോൺഗ്രസിൽ മുസ്‌ലിം ബ്രദർഹുഡ് അംഗം ഉണ്ടാവാൻ പാടില്ല," ട്രംപ് പറഞ്ഞു. 

സായിദ് ബ്രദർഹുഡ് ബന്ധം മുൻപ് സമ്മതിച്ചിട്ടുണ്ടെന്നാണ് ട്രംപിന്റെ വാദം. "അബ്ദുൾ...ഞാൻ അയാളെ മുഹമ്മദ് എന്നു വിളിക്കും...മുഹമ്മദ് എൽ സായിദ്. അയാൾ മുസ്ലിം ബ്രദർഹുഡ് അംഗമാണ് അതിൽ അഭിമാനിക്കുന്നു എന്നയാൾ വർഷങ്ങൾക്കു മുൻപ് പറഞ്ഞിട്ടുണ്ട്."

ആരോപണത്തിനു ട്രംപ് തെളിവൊന്നും നിരത്തിയില്ല.

സായിദ് സർവേകളിൽ കരുത്തു കാട്ടിയിട്ടുണ്ട്. സെനറ്റിലെ ഭൂരിപക്ഷത്തിനു നിർണയാകമാവുന്ന മിഷിഗണിൽ ആഞ്ഞു പിടിക്കുന്ന റിപ്പബ്ലിക്കൻ സ്ഥാനാർഥി മൈക്ക് റോജേഴ്സിനെ ട്രംപ് പുകഴ്ത്തി.

Trump alleges Abdul Sayed is extremist