കളമശ്ശേരി പീഡനക്കേസിലെ അതിജീവിതയെ മന്ത്രി ബിന്ദു കൃഷ്ണ സന്ദർശിച്ചു. പെൺകുട്ടി ആരോഗ്യനില വീണ്ടെടുക്കുന്നുണ്ടെങ്കിലും ഇപ്പോഴും വലിയ മാനസികാഘാതത്തിലാണെന്ന് മന്ത്രി വ്യക്തമാക്കി. തൊഴിൽ വാഗ്ദാനം ചെയ്ത് വിളിച്ചുവരുത്തി പെൺകുട്ടിയെ വേട്ടയാടിയവർക്ക് പിന്നിൽ ക്രൂരന്മാരാണ് ഉള്ളത്. കുറ്റക്കാരെ സർക്കാർ വെറുതെ വിടില്ലെന്നും, തൂഫാൻ ശക്തമായി പ്രവർത്തിക്കുന്നുണ്ടെങ്കിലും കർട്ടന് പിന്നിൽ ലഹരിയുടെ ഭാഗമാകുന്നവർക്കെതിരെ ശക്തമായ നടപടി സ്വീകരിക്കുമെന്നും മന്ത്രി മുന്നറിയിപ്പ് നൽകി.

അതേസമയം, കളമശ്ശേരി കൂട്ടബലാത്സംഗ കേസിലെ ഒന്നാം പ്രതി ശ്രീരാജ് സ്പായുടെ മറവിൽ പെൺകുട്ടികളെ ഉപദ്രവിക്കുന്നത് പതിവാക്കിയ കുറ്റവാളിയാണെന്ന് പൊലീസ് വ്യക്തമാക്കി. ഏറെ നാളുകളായി ഈ കുറ്റകൃത്യം തുടർന്നു വരികയായിരുന്നുവെന്ന് എസിപി ബിജോയ് ചന്ദ്രൻ പ്രതികരിച്ചു. കേസിൽ പിടിയിലായ ശരണ്യയും ശ്രീരാജിന്റെ കെണിയിൽ വീണതാണെന്നാണ് സംശയിക്കുന്നത്. പാവപ്പെട്ട നിരവധി പെൺകുട്ടികളെ പ്രതികൾ ഇത്തരത്തിൽ കുടുക്കിയിട്ടുണ്ടെന്നും പൊലീസ് കൂട്ടിച്ചേർത്തു.