ആമസോണില്‍ വീണ്ടും കൂട്ടപ്പിരിച്ചുവിടല്‍. ഇത്തവണ കമ്പനിയുടെ പ്രധാന റീട്ടെയില്‍ ബിസിനസ് വിഭാഗം ഉള്‍പ്പെടെയുള്ള വിവിധ ടീമുകളെയാണ് പിരിച്ചുവിടല്‍ ബാധിച്ചിരിക്കുന്നത്. ഇന്ത്യ, യുഎസ്, യുകെ എന്നിവിടങ്ങളിലെ ജീവനക്കാരെയാണ് പിരിച്ചുവിടുന്നത്. ആഗോളതലത്തില്‍ 1,000-ല്‍ താഴെ വരുന്ന 'വൈറ്റ് കോളര്‍' (ഓഫീസ്/മാനേജ്മെന്റ്) ജീവനക്കാരെയാണ് ഇത് ബാധിച്ചതെന്ന് ബിസിനസ് ഇന്‍സൈഡര്‍ റിപ്പോര്‍ട്ട് ചെയ്യുന്നു.

നടപടി ആമസോണും സ്ഥിരീകരിച്ചിട്ടുണ്ട്. എന്നാല്‍ വളരെ കുറച്ച് തസ്തികകളെ മാത്രമേ ഇത് ബാധിക്കുകയുള്ളൂ എന്നാണ് കമ്പനി അവകാശപ്പെടുന്നത്. പ്രധാന ഇ-കൊമേഴ്സ് പ്രവര്‍ത്തനങ്ങള്‍ കൈകാര്യം ചെയ്യുന്ന സ്റ്റോഴ്സ് ബിസിനസ് വിഭാഗത്തിലാണ് പ്രധാനമായും ഈ മാറ്റങ്ങള്‍ വരുത്തിയിരിക്കുന്നത്. 

ആമസോണിന്റെ ഗ്രേറ്റ് ഇന്ത്യന്‍ ഫെസ്റ്റിവല്‍ ഷോപ്പിംഗ് മേള നടക്കുന്ന സമയത്താണ് ഈ പിരിച്ചുവിടല്‍ നടപടി ഉണ്ടായിരിക്കുന്നത് എന്നത് ശ്രദ്ധേയമാണ്.