ഫ്‌ളൈദുബായ് വിമാനത്തിന്റെ കോക്ക്പിറ്റിൽ കോ-പൈലറ്റ് ക്യാപ്റ്റനെ കുത്തിയ സംഭവം ഭീകരാക്രമണം ആണെന്നു യു എ ഇ ആദ്യമായി അഭിപ്രായപ്പെട്ടു. ഒമാനിയായ കോ-പൈലറ്റ് യു എ ഇ കസ്റ്റഡിയിൽ ഇരിക്കയും അന്വേഷണം ഊർജിതമായി നടക്കുകയും ചെയ്യുന്നതിനിടയിലാണ് പ്രസിഡന്റ് ഷെയ്ഖ് മുഹമ്മദ് ബിൻ സായിദിന്റെ ഉപദേഷ്ടാവ് അൻവർ ഗർഗാഷ് ഈ അഭിപ്രായം എക്‌സിൽ പോസ്റ്റ് ചെയ്തത്. 

ദുബായ്-ടെൽ അവീവ് ഫ്‌ളൈദുബായ് ഫ്ലൈറ്റിൽ നടന്നത് 'അപകടകരമായ ഭീകരാക്രമണം ആണ്,' എന്നാണ് ഗർഗാഷ് കുറിച്ചത്. അന്വേഷണം നയിക്കുന്ന രാജ്യത്തിൻറെ ഉന്നതനായ ഒരു നേതാവ് നൽകുന്ന ആദ്യ സ്ഥിരീകരണമാണിത്.

ഇന്ത്യൻ ക്യാപ്റ്റൻ സ്മിത് മച്ചാറിന്റെ ധീരതയെ ഗർഗാഷ് വാനോളം പുകഴ്ത്തി. "അതിഭയങ്കരമായ ദുരന്തമാണ് അദ്ദേഹം ഒഴിവാക്കിയത്," ഗർഗാഷ് കുറിച്ചു.  

അതേ സമയം, ഊഹാപോഹങ്ങൾ പ്രചരിപ്പിക്കരുതെന്നു ഗർഗാഷ് താക്കീതു നൽകി.

ഇസ്രയേലുമായി നല്ല ബന്ധം പുലർത്തുന്ന യു എ ഇ സംയമനം ശീലമാക്കിയ രാജ്യമാണ്. അന്വേഷണത്തിന്റെ വിവരങ്ങൾ അറിഞ്ഞു കൊണ്ടിരിക്കുന്ന പ്രസിഡന്റിന്റെ ഉപദേഷ്ടാവ് ഇത്തരമൊരു അഭിപ്രായം പരസ്യമായി പ്രകടിപ്പിക്കുമ്പോൾ അത് ആ രാജ്യത്തിൻറെ കണ്ടെത്തലിലേക്കു വിരൽ ചൂണ്ടുന്നു.

UAE leader calls flydubai incident 'terror'