ഇനിയും തളരാതേ തളരാതെ,   
ക്ഷീണിച്ചവശയാം  എന്നമ്മേ. 
സഹോദരിതൻ പുത്രൻറെ,   
ജാമാതാവിൻ സഹോദരൻറെ 
വേർപാടുകൾ സഹിക്കവയ്യാതെ, 
നിത്യദുഃഖത്തിന്നടിമയാകരുതേ .
ഓണം ഇങ്ങെത്തുകയാണമ്മേ 
ഓർമ്മ വേണം, ഒരുങ്ങിടേണം .
പുനർജ്ജനിക്കട്ടെയോർമ്മകൾ  
താലോലിക്കൂ, തെല്ലും മടിയാതെ.

അമ്മയുടെ  രക്തത്തിൽ 
പിറന്ന പുത്രിയാണ്, മുന്നിൽ;  
ഉണരൂ, എഴുന്നേൽക്കൂ, വേഗം. 
അമ്മയുണ്ടാക്കുന്ന വിഭവങ്ങൾ  
കുറഞ്ഞാൽ കുഴപ്പമില്ല, നിസ്സാരം.
ചേരുവകൾ കൂടിയാലും, അല്പം 
മതി, രുചിക്ക്‌ മാത്രം ... ഉണരൂ 
കണ്ണ് തുറക്കെന്നമ്മേ, എന്നെ  
തനിച്ചാക്കാതെ..ഇതാ, ആളുകൾ 
കണ്ണ് തുടച്ച്‌ എന്നെ ദൂരേ തള്ളുന്നൂ .
                    ***