മാർത്തോമാ സഭയുടെ നോർത്ത് അമേരിക്കൻ ഭദ്രാസനത്തിന്റെ കീഴിലുള്ള എല്ലാ ഇടവകളിലും ആഗസ്റ്റ് 16 ഞായറാഴ്ച മെസെഞ്ചർ ഡേ ആയി ആചരിക്കുന്നു.

മാർത്തോമാ സഭ നോർത്ത് അമേരിക്കൻ ഭദ്രാസനത്തിന്റെ ഔദ്യോഗിക പ്രസിദ്ധീകരണമായ മാർത്തോമാ മെസ്സഞ്ചർ ഇടവകളിലെ ഓരോ വീടുകളിലും എത്തിക്കുക എന്ന ലക്ഷ്യത്തോട് 2026-2029 ലേക്ക് എല്ലാ ഇടവകകളിലും തെരഞ്ഞെടുക്കപെട്ട മെസ്സഞ്ചർ പ്രൊമോട്ടേഴ്സ് അവരുടെ ദൗത്യം ആരംഭിച്ചു കഴിഞ്ഞു.

മാർത്തോമാ സഭയുടെ നോർത് അമേരിക്കൻ ഭദ്രാസനത്തിന്റെ അധിനതയിൽ 84 ഇടവകളും 9737 ഫാമിലികളും നിലവിലുണ്ട്. അമേരിക്കയിൽ തന്നെ ഇപ്പോൾ 72 ഇടവകകളാണുള്ളത്.

ആഗസ്റ്റ് 13 വ്യാഴാഴ്ച 8.30നു ഭദ്രാസന സെക്രട്ടറി റവ.ജോയൽ ശമുവേൽ തോമസ് വിളിച്ചു കൂട്ടിയ സൂം മീറ്റിംഗിൽ അഭിവന്ദ്യ ഭദ്രാസന എപ്പിസ്കോപ്പ റൈറ്റ് റെവ.ഡോ.എബ്രഹാം മാർ പൗലോസ് മെസ്സഞ്ചർ പ്രസിദ്ധികരണത്തിന്റെ കഴിഞ്ഞ കാലത്തെയും ഇപ്പോഴത്തെ ഭാരവാഹികളുടെയും പ്രവർത്തങ്ങളെ അഭിനന്ദിക്കുകയും തുടന്നുള്ള നടത്തിപ്പിന് എല്ലാവിധ ആശംസകളും നേരുകയും ചെയ്‌തു.

 ഭദ്രാസനത്തിന്റെ പ്രസിദ്ധികരണമായ മാർത്തോമാ മെസെഞ്ചർ ഇടവകളിലെ എല്ലാ വീടുകളിലും എത്തിക്കുവാൻ തെരെഞ്ഞെടുക്കപ്പെട്ട എല്ലാ പ്രൊമോട്ടേഴ്‌സിനോടും ദൈവ കൃപയിൽ ആഹ്വാനം ചെയ്തു.